فوتو: الاۋ-تۆ

«التىن بەلگى» يەگەرلەرى گرانتسىز قالمايدى. بۇل تۋرالى ورتالىق كوممۋنيكاتسيالار قىزمەتىندە قر بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى گۇلزات كوبەنوۆا مالىمدەدى، دەپ حابارلايدى ستراتەگيا - 2050 سايتى.

مينيسترلىك وكىلىنىڭ سوزىنشە، قولدانىستاعى زاڭ تالاپتارىنا سايكەس، «التىن بەلگى» يەگەرلەرىنە ءبىلىم گرانتتارى تيەسىلى بولعاندىقتان، رەسپۋبليكالىق كوميسسيا بۇل ساناتتاعى تالاپكەرلەردى گرانتتارمەن ۋنيۆەرسيتەتتەردىڭ، سونداي-اق ءبىلىم جانە عىلىم مينيسترلىگى مەن دەنساۋلىق ساقتاۋ مينيسترلىگى قاراجاتتارى ەسەبىنەن قامتاماسىز ەتۋ جونىندەگى شەشىمگە كەلگەن. ناتيجەسىندە گرانتتار ءتىزىمى 3,5% نەمەسە 1487 گرانتقا ۇلعايىپ وتىر.

سونداي-اق، ول مينيسترلىك الداعى اپتادان باستاپ تۇلەكتەرى «التىن بەلگى» يەلەنىپ، ۇبت بارىسىندا تومەن ناتيجە كورسەتكەن مەكتەپتەردە تەكسەرۋ جۇمىستارىن جۇرگىزە باستايتىنىن اتاپ ءوتتى.

"بۇل تەكسەرىستەر ناتيجەسىنىڭ تۇلەكتەرگە اسەرى بولمايدى. الايدا، بەلگىنى تاعايىنداۋ بارىسىندا قۇجاتتاردى بۇرمالاۋ  فاكتىلەرى انىقتالعان جاعدايدا مەكتەپ باسشىلىعىنا قاتاڭ شارالار قولدانىلادى", - گ. كوبەنوۆا.

ايتا كەتەيىك، بۇگىن  مەملەكەتتىك گرانت يەگەرلەرىنىڭ ءتىزىمى قايتا جاريالانعان بولاتىن. 

“The Qazaq Times”