بۋركينو-فاسودا تەرراكت بولدى

بۋركينو-فاسودا ورىن العان تەرراكت سالدارىنان 20-عا جۋىق ادام قازا تاۋىپ، بىرنەشە بەيبىت تۇرعىن جارالاندى. بۇل تۋرالى BBC اقپاراتتىق اگەنتتىگى جازدى.

كۋاگەرلەردىڭ ايتۋىنشا، تەرروريستەر مەيرامحانادا وتىرعان ادامدارعا وق جاۋدىرعان. الدىن الا بولجام بويىنشا، ولار "ال-كايدا" لاڭكەستىك توبىنىڭ مۇشەلەرى بولۋى مۇمكىن.

لاڭكەستىك توپ مۇشەلەرىنىڭ نىساناسى بولعان تۇرىكتەردىڭ "ازيز ستامبۇل" مەيرامحاناسى - وسى ماڭداعى تۋريستەر اراسىنداعى تانىمالدىلىققا يە بولعان ورىنداردىڭ ءبىرى. قازا تاپقانداردىڭ  بىرى - تۇرىك ازاماتى، قالعان قۇربانداردىڭ ۇلتى ءالى انىقتالعان جوق.

بۋركينو-فاسونىڭ استاناسى ۋاگادۋگۋ قالاسىندا مۇندلاي تەرراكتى وقيعالارى سوڭعى ۋاقىتتا جيىلەپ كەتتى: 2016 جىلدىڭ قاڭتار ايىندا، جەرگىلىكتى قوناق ۇيگە جاسالعان شابۋىل كەزىندە 30 ادام كوز جۇمسا، 2017 جىلدىڭ ناۋرىزىندا وتكەن كينوفەستيۆال كەزىندە 3 ادام مەرت بولدى. ءدال وسى ايدا تەرروريستەردىڭ قولىنان مەكتەپ ورتەلىپ، ورنى تولماس شىعىن بولعان ەدى.

“The Qazaq Times”