تۇركىمەنستان جۋرناليستەرىنە تۇڭعىش رەت پرەزيدەنتكە سۇراق قويۋعا رۇقسات بەرىلدى - دەپ جازادى تدح اقپارات اگەنتتىگى.

قۇربانعۇلى بەردىمۇحامەدوۆ تۇركىمەنستان مينيسترلەر كابينەتىمەن وتكىزگەن كەڭەيتىلگەن وتىرسىتا ەل تاريحىندا تۇڭعىش رەت جۋرناليستەرگە سۇراق قويۋعا رۇقسات بەرىلگەن.

تدح اگەنتتىگىنىڭ مالىمەتىنشە، جۋرناليستەر بەردىمۇحامەدوۆقا ەكى سۇراق قويعان. ءبىرىنشى جۋرناليست «تۇركىمەنستان ۇكىمەتىنىڭ وزگە ەلدەرمەن اراداعى قارىم-قاتىناسى» جايىندا، ەكىنشىسى «تۇركىمەن قاۋىنى مەرەكەسىنىڭ نەگە 17 تامىزدان،13 تامىز كۇنىنە اۋىسقاندىعى» جايىندا سۇراعان. قۇربانعۇلى بەردىمۇحامەدوۆ جۋرناليستەردىڭ قويعان مەملەكەتتىك ماڭىزى بار سۇراقتارىنا مۇدىرمەستەن جاۋاپ بەرگەن.

“The Qazaq Times”