فۋكۋسيمادان جارىلعىش زات تابىلدى

جاپونياداعى فۋكۋسيما اتوم ەلەكتر ستانساسى ورنىنان جارىلماعان بومبا تابىلدى. ونى جاقىن ماڭدا اۆتوكولىك تۇراعى قۇرىلىسىن جۇرگىزىپ جاتقان جۇمىسكەرلەر تاپقان. بولجام بويىنشا، 89 مەترلىك جارىلعىش زاتتى جاپونياعا ەكىنشى دۇنيەجۇزىلىك سوعىس كەزىندە اقش تاستاعان. بۇل تۋرالى BBC اقپاراتتىق اگەنتتىگى جازدى. 

2011 جىلى بۇل جەردە بولعان جەر سىلكىنىسى سالدارىنان اتوم رەاكتورى جارىلىپ، 10 مىڭعا جۋىق جەرگىلىكتى تۇرعىن ەۆاكۋاتسيالانعان بولاتىن. تokyo Electric Power Co (Tepco) كومپانياسىنا قارايتىن اۋماقتاعى اپاتتى وقيعا 1986 جىلعى چەرنوبىل اپاتىنان كەيىنگى ەكىنشى ەڭ ءىرى جارىلىس بولدى.

Tepco-نىڭ مالىمەتىنشە، جارىلعىش زات تابىلعاننان كەيىن، بۇل جەر قورشاۋعا الىنىپ، ارنايى ماماندار شاقىرىلىپ، جۇمىس توقتاتىلعان. دەگەنمەن، بۇل جاپونيادا 70 جىل بۇرىن تاستالىپ، جەر استىندا جىلدار بويى جاتسا دا، جارىلماعان بومبالاردىڭ ءبىرىنشى رەت تابىلۋى ەمەس.

“The Qazaq Times”