قازاقستاندىقتار تۇتىنۋشىلىق كرەديتتى ءجيى الا باستاعان

ورتاشا ەسەپپەن ءاربىر قازاقستاندىقتىڭ تۇتىنۋشىلىق قارىزىنىڭ كولەمى 147,3 مىڭ  تەڭگەنى قۇرايدى.

2017 جىلدىڭ ماۋسىم ايىنىڭ قورىتىندىسى بويىنشا ەكىنشى دەڭگەيلى بانكتەردەگى جەكە تۇلعالاردىڭ تۇتىنۋشىلىق قارىزدارىنىڭ پورتفەلى 2,65 ترلن تەڭگەگە جەتكەن. بۇل مامىر ايىنداعى كورسەتكىشكە قاراعاندا 2,2 پايىزعا نەمەسە 56,6 ملرد تەڭگەگە جانە وتكەن جىلعا قاراعاندا 8,4 پايىزعا جوعارى.

Ranking.kz ساراپتاما اگەنتتىگىنىڭ مالىمەتىنشە، اي سايىنعى ءوسىم قارقىنى الماتى جانە اتىراۋ وبلىسىندا بايقالعان. بۇل وڭىرلەردە تۇتىنۋشىلىق كرەديت كولەمى مامىر ايىنا قاراعاندا 3,2 پايىزعا ارتقان نەمەسە 109, ملرد تەڭگەدەن 123,3 ملرد تەڭگەگە دەيىن جەتكەن.

ال جىلدىق ديناميكا بويىنشا الماتى قالاسىندا تۇتىنۋشىلىق كرەديت پورتفەلى 2016 جىلعا قاراعاندا ازايعان.

دەگەنمەن مۇنداي كرەديتتەردىڭ تاۋەكەلى جوعارى بولعانمەن تۇتىنۋشلىردىڭ جاۋاپتىلىعى ءبىراز ساپالى بولا باستاعان. ويتكەنى ءبىر ايداعى  مەرزىمى وتكەن تۇتىنۋشىلىق كرەديتتەردىڭ كولەمى 7,1 پايىزدى قۇراپ، مامىر ايىنا قاراعاندا (7,3 پايىز) تومەن بولعان.

“The Qazaq Times”