قىرعىزستاندا پرەزيدەنت سايلاۋى قارساڭىندا وپپوزيتسيا وكىلدەرى كۇشتەرىن بىرىكتىرەتىنىن مالىمدەدى.

تامىزدىڭ 1-ءى كۇنى 15 قازاندا پرەزيدەنت سايلاۋىنا قاتىساتىن پارتيالاردىڭ كوش باسشىلارى اداحان مادۋماروۆ (بۋتۋن قىرعىزستان), باقىت توروباەۆ (ونۋگۋ-پروگرەسس), احماتبەك كەلدىبەكوۆ جانە قىمشىبەك تاشيەۆتار (اتا-جۇرت مەكەنشىل): «ءبىز ساياسي پارتيالار جەتەكشىلەرى الدا كەلە جاتقان سايلاۋدىڭ ماڭىزدىلىعىن ەسكەرە وتىرىپ، ەل تىنىشتىعى مەن تاۋەلسىزدىگىن ساقتاپ قالۋ ماقساتىندا كۇش بىرىكتىرىپ، جاڭا پارتيا قۇرۋدى ءجون كوردىك. ءبىز وسى مالىمدەمەمىز ارقىلى ەلدەگى بارلىق ساياسي پارتيالار مەن وسى باستاماعا قىزىعۋشىلىق تانىتقان بارشا جۇرتتى ءبىزدىڭ قاتارىمىزعا قوسىلۋعا شاقىرامىز» - دەگەن مالىمدەمەگە قول قويىپ، قىرعىزستان حالقىنا جولدادى.

ساراپشىلاردىڭ ايتۋىنشا، مادۋماروۆ، توروباەۆ، كەلدىبەكوۆ، تاشيەۆتاردىڭ بارلىعى قىرعىزستان ساياسات الاڭىنىڭ وڭتۇستىك كلاندارىنىڭ وكىلدەرى. تورتەۋى دە قازان ايىندا وتەتىن پرەزيدەنت سايلاۋىنا قاتىساتىندارىن ايتىپ، ءوز كونديداتۋرالارىن ۇسىنعان. ولاردىڭ كۇش بىرىكتىرۋلەرى جايىنداعى مالىمدەمەلەرى پرەزيدەنتتىككە باستى ۇمىتكەر تاعى ءبىر وڭتۇستىك كلاننىڭ وكىلى، قىرعىزستاننىڭ قازىرگى پرەمەر-ءمينيسترى  سوورونباي جەەرنبەكوۆكە قارسى تۇرۋ.

“The Qazaq Times”