2017 جىلعى ماۋسىمدا حالىقتىڭ ايىرباستاۋ پۋنكتتەرىندە قولما-قول اقش دوللارىن نەتتو-ساتىپ الۋ كولەمى وتكەن ايمەن سالىستىرعاندا 9,8%-عا تومەندەگەن جانە ءبىر ايداعى كورسەتكىش 316,0 ملن اقش دوللارىن قۇرادى. بۇل تۋرالى ۇلتتىق بانكتىڭ ءباسپاسوز قىزمەتى حابارلادى.
رەتتەۋشىنىڭ مالىمەتىنشە، حالىقتىڭ قولما-قول اقش دوللارىن نەتتو-ساتىپ الۋىنىڭ بۇل كولەمى قولما-قول اقش دوللارىن نەتتو-ساتۋ بايقالعان 2016 جىلدى قوسپاعاندا ەڭ تومەنگى كولەم ەكەن. سوڭعى 11 جىلدا ياعني 2005 – 2015 جىلدار ارالىعىنداعى ماۋسىم ايلارىندا نەتتو-ساتىپ الۋدىڭ ورتاشا دەڭگەيى 771,6 ملن اقش دوللارىن قۇراعان.
جىلدىڭ باسىنان بەرى نەتتو-ساتىپ الۋ كولەمى 1444,6 ملن اقش دوللارى بولعان. ال ءبىر جىل بۇرىن قاڭتار-ماۋسىم ايىندا نەتتو-ساتۋ 759,8 ملن اقش دوللارىن قۇراپتى.
سونىمەن بىرگە ماۋسىمدا مامىرمەن سالىستىرعاندا حالىقتىڭ قولما-قول اقش دوللارىن ساتىپ الۋ 1,9%-عا تومەندەگەن، ال ساتۋ 4,0%-عا وسكەن.
ايتا كەتەيىك، ۇلتتىق بانك "ۇلتتىق ۆاليۋتاعا سەنىم ارتتى" دەپ ۇنەمى ايتىپ كەلەدى. الايدا جوعارىدىعى كورسەتكىشكە ءمان بەرسەك، قازاقستاندىقتار بيىلعى جىلدىڭ 6 ايىندا-اق دوللاردى ەكى ەسە كوپ ساتىپ العان.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى