Фото: DailyNews.kz

2017 жылғы маусымда халықтың айырбастау пункттерінде қолма-қол АҚШ долларын нетто-сатып алу көлемі өткен аймен салыстырғанда 9,8%-ға төмендеген және бір айдағы көрсеткіш 316,0 млн АҚШ долларын құрады. Бұл туралы Ұлттық банктің баспасөз қызметі хабарлады.

Реттеушінің мәліметінше, халықтың қолма-қол АҚШ долларын нетто-сатып алуының бұл көлемі қолма-қол АҚШ долларын нетто-сату байқалған 2016 жылды қоспағанда ең төменгі көлем екен.  Соңғы 11 жылда яғни 2005 – 2015 жылдар аралығындағы маусым айларында нетто-сатып алудың орташа деңгейі  771,6 млн АҚШ долларын құраған.

Жылдың басынан бері нетто-сатып алу көлемі 1444,6 млн АҚШ доллары болған. Ал бір жыл бұрын қаңтар-маусым айында нетто-сату 759,8 млн АҚШ долларын құрапты.

Сонымен бірге маусымда мамырмен салыстырғанда халықтың қолма-қол АҚШ долларын сатып алу 1,9%-ға төмендеген, ал сату 4,0%-ға өскен.

Айта кетейік, Ұлттық банк "ұлттық валютаға сенім артты" деп үнемі айтып келеді. Алайда жоғарыдығы  көрсеткішке мән берсек, қазақстандықтар биылғы жылдың 6 айында-ақ долларды екі есе көп сатып алған.

“The Qazaq Times”