فوتو: Depositphotos.com/mariakraynova

«قازاقستان تەمىر جولى» جانە «ەير استانا» ۇلتتىق كومپانيالارى جۇك تاسىمالدايتىن اۋە كومپانياسىن قۇرۋ بويىنشا جۇمىس ىستەپ جاتىر. بۇل تۋرالى قر ينۆەستيتسيالار جانە دامۋ اليك ايدارباەۆ مالىمدەدى. 

"كوپتەگەن ەلدەردە جولاۋشىلار تاسىمالىمەن قوسا جۇك تاسىمالىمەن دە اينالىساتىن كومپانيالار جۇمىس ىستەيدى. وسى كۇنگە دەيىن قازاقستاندا مۇنداي كومپانيا بولماعان. ەندى قتج مەن "ەير استانا" بىرىگىپ وسىنداي كومپانيا قۇرادى. بۇل جاڭا كومپانيا، سوندىقتان قتج وسى باعىتتا جۇمىس ىستەيتىن سەرىكتەس ىزدەپ جاتىر", - دەدى اليك ايدارباەۆ.

جوسپار بويىنشا، كومپانيا وسى جىلدىڭ سوڭىنا دەيىن قۇرىلادى جانە ءبىرىنشى كەزەڭدە ەكى اۋە كەمەسى جۇمىس ىستەيدى.

"بولاشاقتا وسى كومپانيا دامىتۋ ستراتەگياسى بويىنشا جۇك تاسىمالى نارىعىندا لايىقتى ورىنعا يە بولادى دەپ ويلايمىز. ءتىپتى يمپورت كومپانيالاردى الماستىراتىن ەلەمەنت بولۋى مۇمكىن. سەبەبى قازىرگى كەزدە جۇك تاسىمالدارى شەتەلدىك كومپانيالار ارقىلى جۇزەگە اسىرىلادى. ياعني ستراتەگيا وتاندىق جۇك تاسىمالداۋ نارىعىن دامىتۋعا باعىتتالعان", - دەدى ول.

“The Qazaq Times”