فوتو: kapital.kz

قازاقستان قور بيرجاسىندا وتكەن تاڭعى ساۋدا سەسسياسىندا دوللار كۋرسى بىردەن 5,80 تەڭگەگە قىمباتتاپ، ورتاشا باعام 334,53 تەڭگەنى قۇرادى. ال 1 تامىز كۇنى كۇندىزگى سەسسيادا كۋرس 330,43 تەڭگە بولعان.

تاڭعى سەسسيادا اقش ۆاليۋتاسىنىڭ تومەنگى كۋرسى 332,60 تەڭگە بولسا، جوعارعى كۋرس 335,80 تەڭگەنى قۇراعان. ساۋدانىڭ اياقتالۋى كەزىندە 335,07 تەڭگە بولدى. ال سەسسيا كەزىندە جاسالعان مامىلەلەر سانى - 309. ساۋدا كولەمى - 212 ملن 700 دوللار.

1 اپتاداعى دوللار كۋرسىنىڭ وزگەرۋى. دەرەككوز: قازاقستان قور بيرجاسى

ال اقشا ايىرباستاۋ پۋنكتەرى بولسا دوللاردى 340 تەڭگەدەن ساتىپ جاتىر.

الماتى قالاسىنداعى ايىرباستاۋ پۋنكتەرىندەگى دوللار كۋرسى. دەرەككوز: kurs.kz

ايتا كەتەيىك، دوللار كۋرسى سوڭعى رەت 334 تەڭگە دەڭگەيىنە 2017 جىلدىڭ قاڭتار ايىندا كوتەرىلگەن. ودان كەيىن مامىر ايىنا دەيىن 310 تەڭگەگە دەيىن ارزانداعان.

“The Qazaq Times”