فوتو: ria.ru

بۇگىن Brent ماركالى مۇنايدىڭ باررەلى 60 دوللارعا جۋىقتادى. 

شيكىزات باعاسى تۇندە 4,2%-عا كوتەرىلىپ، استانا ۋاقىتىمەن 9:00-دە 59,34 دوللارعا جەتتى. مۇنداي جوعارى باعا 2017 جىلدىڭ قاڭتار ايىنان بەرى بولماعان ەدى.

ايتا كەتەيىك، 20 قىركۇيەكتەن بەرى  Brent ماركاسىنىڭ باعاسى ايتارلىقتاي قىمباتتاي باستادى. بۇل وپەك-ءتىڭ مينيتورينگ كوميتەتەتىنىڭ وتىرىسى تۋرالى حابارلامامەن بايلانىستى بولۋى مۇمكىن. بۇدان بولەك، يراننىڭ مۇناي ءمينيسترى بيان نامير زانگەگە بۇرىن وپەك-كە مۇشە بولعان نيگەريا مەن ليۆيانى دا مۇناي ءوندىرۋدى شەكتەۋ كەلىسىمىنە قاتىسۋعا شاقىرعان ەدى. وسىدان كەيىن دە مۇناي قىمباتتاي باستادى.

دەگەنمەن بۇل جاعداي قازاقستان نارىعىنا اسا اسەر ەتىپ وتىرعان جوق. سەبەبى مۇناي باعاسى قىمباتتاعانمەن، تەڭگە كەرىسىنشە السىرەپ جاتىر. ال بۇرىندارى ۇكىمەت تەڭگەنىڭ السىرەۋىن مۇناي باعاسىنىڭ قۇلدىراۋىمەن ءتۇسىندىرىپ كەلگەن،

“The Qazaq Times”