تيللەرسون اقۇي مالىمدەمەشىسىنىڭ سولتۇستىك كورەياعا ايتقان ءسوزىن جۋىپ-شايدى

اقش مەملەكەتتىك حاتشىسى رەكس تيللەرسون سەيسەنبى كۇنى سويلەگەن سوزىندە اقش-تىڭ سولتۇستىك كورەيا رەجيمىن قۇلاتۋدى كوزدەمەيتىنىن ايتتى. الايدا، بۇل وتكەن ايدا اقش ورتالىق بارلاۋ باسقارماسىنىڭ باستىعى مايك پومپەونىڭ ەسكەرتۋلەرىنە قايشى بولىپ شىقتى. ول سول كەزدە امەريكا قۇراما شتاتىنىڭ كيم جوڭ ۋننىڭ تاقتان تايۋىن قالايتىنىن ايتقان ەدى. بۇل تۋرالى «The Wall Street Journal» باسىلىمى حابارلاپ وتىر.

اقش مەملەكەتتىك حاتشىسى تيللەرسون ازيا ەلدەرىندەگى ساپارىن باستاماس بۇرىن، ۋاشينگتوندا وتكەن ءباسپاسوز ءماسليحاتىندا سولتۇستىك كورەيا تۋرالى قۇراما شتاتتىڭ ۇستانىمىن قايتالاي ايتىپ ءوتتى. ول سوزىندە: «اقش سولتۇستىك كورەيانىڭ رەجيمىن قۇلاتۋدى قالامايدى. ءبىزدىڭ ماقساتىمىز كحدر بيلىگىن قۇلاتۋ ەمەس. ءبىز سولتۇستىك كورەياعا اقش-تىڭ جاۋ ەمەس ەكەنىن، ءارى قاۋىپ توندىرمەيتىنىن بىلدىرگىمىز كەلەدى. الايدا، سولتۇستىك كورەيا قۇراما شتاتقا قاۋىپ توندىرەتىن قاۋىپ-قاتەرىن قابىلداۋعا شاراسىز ەكەنىن، ەگەر ولاي بولىپ جاتسا اقش ءوز جاۋابىن قايتاراتىنىن ەسكەرتەمىز»، – دەدى.

تيللەرسون بۇل رەتتە سولتۇستىك كورەيامەن پىكىر الماسۋعا ۇمىتكەر ەكەنىن ءبىلدىردى. ءارى، سولتۇستىك كورەياعا قىسىم ءتۇسىرۋ ءۇشىن جانە ديالوگ وتكىزۋگە نەگىز قالاۋ ءۇشىن دە قىتاي جاقپەن سەلبەسە جۇمىس ىستەمەك. ول تاعى ديالوگتىڭ العىشارتىن سولتۇستىك كورەيا جاق باستاعان كەزدەن-اق، يادرولىق قارۋعا يە سولتۇستىك كورەيانىڭ بولاشاعى جوق ەكەنىن مويىنداۋى كەرەك دەپ ەسكەرتتى. تيللەرسون: «ەگەر كحدر كەلىسسوزدەر باستالعاننان كەيىن دە زىمىران سىناقتارىن جالعاستىرا بەرەمىز دەسە كەلىسسوز جەمىستى بولمايدى»، – دەدى.

اقۇيدىڭ جاڭا مالىمدەمەشىسى سەيسەنبىدەگى مالىمدەمەسىندە، «اقش پرەزيدەنتى دونالد ترامپ سولتۇستىك كورەيا ماسەلەسىنە كەز-كەلگەن پارامەترلەردى جوققا شىعارا المايدى. ونىڭ سولتۇستىك كورەياعا قاراتقان پوزيتسياسى قاشاندا اشىق. قازىر اقش پارلىق پارامەترلەردى ولشەپ وتىر. اتالعان ماسەلەدە ءبىز بارلىق شارانىڭ بولۋى مۇمكىن ەكەنىن جوققا شىعارمايمىز»، – دەدى.

ال، تيللەرسون بولسا ترامپتىڭ قىتاي تۋرالى پىكىرلەرىن جۋىپ شايىپ: «سولتۇستىك كورەيا يادرولىق ماسەلەسىندە اقش قىتايدى كىنالى دەپ قارامايدى. الايدا، قىتايدىڭ كحدر يادرولىق ماسەلەسىن شەشۋدە بىرەگەي مۇمكىندىگى بار. ايتالىق، سولتۇستىك كورەيانىڭ سىرتقى ساۋداسىنىڭ 90 پايىزىن قىتاي يەلەيدى»، – دەدى.

بيىل سولتۇستىك كورەيا ەكى مارتە قۇرلىقارالىق بالليستيكالىق زىمىران سىناعىن وتكىزدى. سونداي-اق، 2006 جىلدان بەرى 5 رەت يادرولىق قارۋ سىناعىن جاساعان بولاتىن.

“The Qazaq Times”