فوتو: halykbank.kz

1 تامىزدان باستاپ حالىق بانك جانە Altyn Bank كليەنتتەرى ءۇشىن Qazkom cash-in فۋنكتسياسى بار بانكوماتتارىندا تولەم كارتالارىن تەڭگە جانە اقش دوللارى بويىنشا تولىقتىرۋ جاڭا قىزمەتى پايدا بولدى. بۇل تۋرالى حالىق بانكتىڭ باسپاسوز قىزمەتى حابارلادى.

وسىلايشا حالىق بانك جانە Altyn Bank كارتاسىن ۇستاۋشىلارىنان تولەم كارتالارىن تولىقتىرۋ ساتىندە كوميسسيالار الىنبايدى. ەندى حالىق بانك جانە Altyn Bank كليەنتتەرى Halyk+Qazkom بانكوماتتار جەلىسىندە قوس بانكتىڭ كەز كەلگەن بانكوماتىنان ءوز كارتالىق شوتىن تولىقتىرۋدا ەشقانداي ايىرماشىلىق كورمەيدى.

بانكتىڭ مالىمەتىنشە، 2017 جىلعى 1 شىلدەدە حالىق بانك cash-in فۋنكتسياسى بار 559 بانكومات ورناتسا، Qazkom قولما-قول اقشا قابىلداۋ فۋنكتسياسى بار 465 قۇرىلعىنى ورناتقان. بۇكىل قازاقستان بويىنشا Qazkom+Halyk بىرىڭعاي بانكوماتتار جەلىسىنىڭ قۇرىلعىلار سانى 4659 قامتيدى.

ال 2017 جىلعى 1 شىلدەدەگى كورسەتكىشتەر بويىنشا حالىق بانك جانە Altyn Bank شىعارعان كارتالار سانى – 6 ملن تولەم كارتالارىنان اسقان.
تامىز بويى ىسكە اسىرىلىپ Halyk Bank cash-in فۋنكتسياسى بار بانكوماتتار بويىنشا Qazkom كليەنتتەرىنە دە وسىنداي ۇسىنىستاردىڭ جاسالۋى كۇتىلۋدە.

ايتا كەتەيىك، بۇعان دەيىن  حالىق بانك جانە Qazkom بانكوماتتىق جەلىلەردى بىرىكتىرۋ جۇمىسىن باستاعانى تۋرالى حابارلانعان. ەندى وسى بويىنشا Halyk جانە Qazkom كارتالارىن ۇستاۋشىلار ءۇشىن بانكوماتتان قولما-قول اقشا الۋ كەزىندە قوسىمشا كوميسسيالاردىڭ الىنۋى توقتاتىلادى.

“The Qazaq Times”