رامازان قادىروۆ جانە قىزى ايشات قادىروۆا. فوتو: گروزنىي-ينفورم.

شەشەنستان پرەزيدەنتى رامازان قادىروۆتىڭ قىزى ايشات قادىروۆا مادەنيەت ءمينيسترىنىڭ ءبىرىنشى ورىنباسارى بولىپ تاعايىندالدى. اقش-تىڭ سانكتسيا تىزىمىندە رامازان قادىروۆپەن قاتار قىزىنىڭ دا ەسىمى بار.

ءمينيستردىڭ ورىنباسارى بولعان قادىروۆا بۇعان دەيىن شەشەنستانداعى Firdaws اتتى كومپانياعا (كيم-كەشەك شەبەرحاناسى) جەتەكشىلىك ەتكەن. نەگىزىنەن مۇسىلمان ايەلدەرىنە ارنالعان كيىم-كەشەك جوبالاۋ جانە تىگۋمەن اينالىساتىن شەبەرحانانىڭ نەگىزىن رامازان قادىروۆتىڭ جۇبايى 2009 جىلى قالاعان. شەشەن برەندى سانالاتىن Firdaws ءبىر جىل بۇرىن پاريج، ماسكەۋ جانە دۋباي قالالارىندا وتكەن ءسان (مودا) كورمەلەرىنە قاتىسقان بولاتىن.

1998 جىلدىڭ تۋماسى ايشات قادىروۆا شەشەنستان مەملەكەتتىك ۋنيۆەرسيتەتى ەكونوميكا فاكۋلتەتىنىڭ تۇلەگى. 2016 جىلى اكەسىنىڭ جاقىن دوسىنا كەلىن بولعان. الەۋمەتتىك جەلىلەردە ونىڭ "شەشەنستان حانشايىمى" دەگەن بەي رەسمي اتى دا بار.

“The Qazaq Times”