حودجانت قالاسىنداعى مەشىت. فوتو: ۆۆس

تاجىكستاندا سوڭعى 3 جىل ىشىندە 1000-عا جۋىق مەشىتتەر جابىلىپ، فابريكا، كىتاپحانا، تۇرعىن ءۇي نەمەسە ويىن-ساۋىق ورتالىقتارىنا اينالعان. بۇل تۋرالى «پارس.اقپارات» اگەنتتىگى تاجىكستاننىڭ «اقپارات» سايتىنا سىلتەمە جاساي وتىرىپ حابارلاۋدا.

22 شىلدە كۇنى تاجىكستاننىڭ سوعد وبلىسىنداعى حودجانت قالاسىنىڭ اكىمى ارناۋلى ءباسپاسوز ءماجىلىسىن وتكىزىپ، وبلىس ورتالىعىنداعى ءتورت ۇلكەن مەشىتتىڭ قولدانىس اياسىنىڭ توقىما فابريكاسى، بالا باقشا، ءشايحانا جانە دارىحاناعا وزگەرتىلگەنىن حابارلاعان.

تاجىكستان ۇكىمەتى 2011 جىلدان بەرى زاڭدى قۇجاتى جوق 1000-عا جۋىق مەشىتتى جاۋىپ، قولدانىس اياسىن وزگەرتكەن. جوعارىدا اتالعان سوعد وبلىسى وزبەكستان جانە قىرعىزستانمەن شەكتەسىپ جاتىر. بۇل وبلىستا 100-دەن اسا مەشىتتىڭ زاڭدى قۇجاتتارىنىڭ تولىق بولماۋى سەبەبىنەن ۇكىمەت تاراپىنان جابىلعان.

يراندىق ساراپشىلار «تاجىكستان ۇكىمەتىنىڭ بۇل ارەكەتى يسلامدى جويۋ باعدارلاماسى اياسىندا، مۇسىلمانداردىڭ قۇقىقتارى مەن سەنىم بوستاندىعىن اياققا تاپتاۋ» دەگەن پىكىرىن بىلدىرۋدە.

“The Qazaq Times”