فوتو: ريا نوۆوستي.

قىرعىزستان ۇلتتىق قاۋىپسىزدىك كوميتەتى ەل اۋماعىندا تەررورلىق اكت جاساماق بولعان ازاماتتى ۇستادى، دەپ حابارلايدى ۆەدومستۆا ءباسپاسوز قىزمەتى.

قىرعىزستان ۇلتتىق قاۋىپسىزدىك كوميتەتى وش وبلىسىنا قاراستى قاراسۋ اۋدانىندا 1980 جىلى تۋعان حالىقارالىق لاڭكەستىك ۇيىمنىڭ مۇشەسى م.ب ەسىمدى ازاماتتى ۇستاعان. ءتىنتۋ بارىسىندا كۇدىكتىنىڭ ۇيىنەن سالماعى 8 كيلوگرامدى قۇرايتىن قولدان جاسالعان جارىلعىش زات تابىلعان.

ۇلتتىق قاۋىپسىزدىك كوميتەتىنىڭ مالىمەتىنشە، م.ب ەسىمدى ازامات بۇعان دەيىن ءسۇريا مەن يراك اۋماعىنداعى قارۋلى قاقتىعىستارعا قاتىسىپ، اسكەري-ديۆەرسيالىق دايىندىقتان وتكەن.

قازىرگى تاڭدا بۇل ءىس بويىنشا قىرعىزستاننىڭ قۇقىق قورعاۋ ورگاندارى قىلمىستىق ءىس قوزعاعان.

“The Qazaq Times”