سەربيا ىشكى ىستەر دەپارتامەنتىنىڭ باسشىسى نەبويشا ستەفانوۆيچ «يسلام مەملەكەتى» لاڭكەستىك ۇيىمىنىڭ قاتارىندا قانشا سەربيالىق سوعىسىپ جۇرگەنىن ايتتى.

«قازىرگى تاڭدا «يسلام مەملەكەتى» لاڭكەستىك ۇيىمىنىڭ ساپىندا 49 سەربيالىق ازامات سوعىسىپ ءجۇر. بۇل ەۋروپانىڭ وزگە ەلدەرىمەن سالىستىرعاندا اسا جوعارى كورسەتكىش ەمەس. بىراق بۇعان قاراماستان ءبىز وسى باعىتتا جۇمىس ىستەۋدەمىز. سەبەبى ءبىز تولىققاندى اقپارات الۋ ارقىلى عانا ءوزىمىزدى ولاردان قورعاي الامىز» - دەدى ستەفانوۆيچ Pink تەلەارناسىنا بەرگەن سۇحباتىندا.

بۇدان بولەك ستەفانوۆيچ سەربيا پوليتسياسىنىڭ، قاۋىپسىزدىك قىزمەتىنىڭ، پروكۋراتۋراسىنىڭ تەررورلىق شابۋىلداردىڭ الدىن الۋعا بايلانىستى بارلىق جۇمىستاردى ىستەپ جاتقاندىعىن جانە سەربيانىڭ ەۋروپاداعى ەڭ قاۋىپسىز ەلدەردىڭ ءبىرى ەكەنىن ايتقان.

“The Qazaq Times”