رەسەيدىڭ مەملەكەتتىك دۋماسى رف اسكەري اۋە-عارىش كۇشتەرىنىڭ ءسۇريا اۋماعىندا قالۋى جايىنداعى كەلىسىمدى راتيفيكاتسيالادى.

بۇل قۇجات وتكەن جىلدىڭ قاڭتار ايىندا ءسۇريا استاناسى داماسكىدە قابىلدانعان بولاتىن. قۇجاتتا ءسۇريا اۋماعىندا رەسەي اسكەري اۋە-عارىش كۇشتەرىنىڭ ورنالاسۋ ايماعى، ولاردىڭ اتقاراتىن قىزمەتى مەن مىندەتى جايىندا تولىققاندى كورسەتىلگەن.

قابىلدانعان قۇجات بويىنشا، رف اسكەريلەرى ورنالاسقان بازالاردى ءسۇريا اسكەريلەرى قورعايتىن بولادى. ال رەسەي اسكەريلەرى ءسۇريانىڭ اۋە قورعانىسى مەن اۋە بازالارىنداعى ىشكى تارتىپكە جاۋاپ بەرەدى.

مەملەكەتتىك دۋما راتيفيكاتسيالاعان كەلىسىم قۇجاتىنىڭ جارامدىلىق مەرزىمى 49 جىل.

“The Qazaq Times”