فوتو: مارات قۇراقوۆ

قر پرەزيدەنتى ن.ءا.نازارباەۆ گەرمانيا پرەزيدەنتى فرانك-ۆالتەر شتاينمايەردى اقوردادا قابىلدادى. مەملەكەت باسشىسى قۇرمەتتى قوناقتى گەرمانيا ەلىنىڭ پرەزيدەنتى قىزمەتىنە سايلانۋىمەن قۇتتىقتاپ، ەكى ەل اراسىنداعى قالىپتاسقان ديپلوماتيالىق، ارىپتەستىك قارىم-قاتىناستار ارى قاراي دا جالعاسىن تاباتىندىنا نيەتتەستىك ءبىلدىردى.

ءوز سوزىندە ن.ءا.نازارباەۆ: «ءسىز الەمگە بەلگىلى، قۇرمەتتى ساياساتكەرسىز. ءسىز گەرمانيانىڭ سىرتقى ىستەر ءمينيسترى قىزمەتىندە بولعانىڭىزدا، ءبىز ەكى ەل ءۇشىن وتە ماڭىزدى كوپ ماسەلەنى تالقىعا سالدىق. نەمىس حالقى بولاشاققا جاقسى باعدار قالىپتاستىراتىن كوشباسشىنى تاڭدادى دەپ ويلايمىن»، -دەدى.

گەرمانيا قازاقستاننىڭ ەڭ ءىرى ءۇش ساۋدا ارىپتەسىنىڭ قاتارىنا كىرەدى. وسى جولى دا قازاقستان مەن گەرمانيا ىسكەرلىك كەڭەسىنىڭ وتىرىسىندا قۇنى 872 ملن ەۋروعا باعالاناتىن 21 كەلىسىمگە قول قويىلدى.

گەرمانيا پرەزيدەنتى فرانك-ۆالتەر شتاينمايەر: «اقورداعا كەلۋگە جاقسى سەبەپتەر قاشاندا تابىلادى. ەكسپو-2017 حالىقارالىق كورمەسىندە مەن كەلگەن ۋاقىتتا گەرمانيانىڭ ۇلتتىق كۇنى تويلانىپ وتىرعانى مەنى ەرەكشە قۋانىشقا بولەدى. سىزدەردى مەنىمەن بىرگە گەرمانيانىڭ پاۆيلونىن تاماشالاۋعا شاقىرامىن»، - دەدى.

“The Qazaq Times”