وزبەكستاندا جۋرناليستەر اراسىندا يسام كارىموۆ جايىندا جازىلعان ۇزىك ماتەريالعا بايقاۋ جاريالاندى.

بايقاۋعا 2016-2017 جىلدارى يسلام كارىموۆ جايىندا جازعان وزبەكستاندىق جانە شەتەلدىك جۋرناليستەر قاتىسا الادى. بايقاۋ قورىتىندىسى 2018 جىلدىڭ 30 قاڭتارىندا يسلام كارىموۆتىڭ تۋعان كۇنىندە جاريالانادى.

بايقاۋدا ءبىرىنشى ورىنعا 1800 دوللار، ەكىنشى ورىنعا 1360 دوللار، ءۇشىنشى ورىنعا 910 دوللار كولەمىندە قارجىلاي سىيلىق بەرىلەدى.

وزبەكستان ۇكىمەتىنىڭ رەسمي سايتىندا بايقاۋ شارتتارى جاريالانعان. وندا بايقاۋعا قاتىسۋشىلار  كارىموۆتىڭ تاۋەلسىز ۇلتتىق مەملەكەت قۇرۋعا قوسقان ۇلەسى جانە تاريحتاعى ءرولى جايىندا، يسلام كارىموۆتىڭ ەلدە ازاماتتىق قوعام قۇرۋ مەن دەموكراتيالىق مەملەكەت قالىپتاستىرۋداعى جانە نارىقتىق ەكونوميكا جاساۋداعى ءار ءتۇرلى قىرلارى جايىندا جانە وزبەكستان مەملەكەتىنىڭ يسلام كارىموۆتىڭ باسقارۋىمەن قالىپتاسۋى جونىندە قالام تەربەۋى ءتيىس.

ەستەرىڭىزگە سالايىق، بۇعان دەيىن وزبەكستاننىڭ قازىرگى پرەزيدەنتى شاۆكات ميرزيەەۆ كارىموۆتىڭ ءمۇسىنىن جاساۋعا حالىقارالىق بايقاۋ جاريالاعان بولاتىن.

يسلام كارىموۆ وزبەكستاندى 1989-2016 جىلدارى ارالىعىندا باسقاردى. ول تاشكەنت قالاسىندا 2016 جىلى 2 قىركۇيەكتە ينسۋلتتان كوز جۇمعان بولاتىن.

“The Qazaq Times”