رەسەيدىڭ قارجى ءمينيسترى انتون سيلۋانوۆ. فوتو: ريا نوۆوستي / الەكسەي كۋدەنكو

رەسەيدىڭ قارجى ءمينيسترى انتون سيلۋانوۆ اقش پرەزيدەنتى دونالد ترامپ پەن رەسەي باسشىسى ۆلاديمير ءپۋتيننىڭ G20 الاڭىندا كەزدەسۋى الەمدىك ەكونوميكاعا وڭ وزگەرىستەر اكەلەدى دەپ ەسەپتەيدى. بۇل تۋرالى ريا نوۆوستي اگەنتتىگى جازدى.

"مۇنداي كەزدەسۋلەردىڭ ناتيجەسى وڭ بولعانىن قالايتىن ەدىك. شىنىمەن وڭ ناتيجە بولدى. بۇل رەسەي ەكونوميكاسىنا دا، الەمدىك ەكونوميكاعا دا ءتيىمدى", - دەپ مالىمدەگەن سيلۋانوۆ HTct جۋرناليستەرىنە.

ايتا كەتەيىك، رەسەيدىڭ سىرتقى ىستەر ءمينيسترى سەرگەي لاۆروۆ دونالد ترامپ پەن ۆلاديمير ءپۋتيننىڭ اراسىندا وتكەن كەزدەسۋدىڭ ناتيجەلەرى جونىندە ءباسپاسوز كونفەرەنتسياسىن وتكىزىپ، قوس باسشىنىڭ اراسىنداعى كەلىسسوزدەرگە "كونسترۋكتيۆتى" دەگەن باعا بەردى. رەسەي مەن اقش-تىڭ ءوزارا ءتيىمدى ىنتىماقتاستىققا دايىن ەكەندىكتەرىن جەتكىزدى.

ەسكە سالايىق، گەرمانيانىڭ گامبۋرگ قالاسىندا ەكى كۇن جالعاساتىن G20 توبى ەلدەرى اراسىنداعى سامميت كەشە باستالعان. G20 توبى ەلدەرى باسشىلارى سامميتتە «تەرروريزممەن كۇرەسۋ» تاقىرىبىن «جاھاندىق ۇلعايۋ جانە ساۋدا» اتتى ءبىرىنشى جۇمىس سەسسياسىن تالقىلاماق.

 “The Qazaq Times”