گەرمانيانىڭ بارلاۋ قىزمەتى كاتارعا تاعىلعان ايىپتاۋلاردىڭ اق-قاراسىن اجىراتادى

گەرمانيانىڭ بارلاۋ قىزمەتى ساۋد ارابياسى، بىرىككەن اراب امىرلىكتەرى، باحرەين مەن ەگيپەت تاراپىنان كاتارعا تاعىلعان ايىپتاۋلاردى زەرتتەپ، اق-قاراسىن اجىراتادى. بۇل تۋرالى  Zeit باسىلىمى گەرمانيانىڭ سىرتقى ىستەر مينيسترلىگىنىڭ باسشىسى دەلەگاتسياسىنان الىنعان مالىمەتتەرگە سىلتەمە جاساپ، جازدى.

تەرگەۋ، ىزدەستىرۋ جۇمىستارىنا قاتىستى جاسالعان كەلىسىمدەر مەن وپەراتسيانىڭ بارىسى تۋرالى قۇجاتتار ۇسىنىلعان جوق.

ەستەرىڭىزگە سالا كەتەيىك، 5 ماۋسىم كۇنى جوعارىدا اتالعان 4 مەملەكەت كاتاردى تەرروريزمگە قولداۋ كورسەتتى دەپ ايىپتاپ، بۇل ەلمەن ديپلوماتيالىق قارىم-قاتىناسىن ۇزگەن بولاتىن. دوحا-عا (كاتاردىڭ استاناسى)  قويىلعان ساياسي بلوكادانى الىپ تاستاپ، دوستىق بايلانىستارىن قايتا قالپىنا كەلتىرۋى ءۇشىن كاتاردىڭ الدىنا يرانمەن  ارىپتەستىكتەن باس تارتۋ، تۇركيانىڭ اسكەري بازاسىن جابۋ جانە Al-Jazeera ء(ال-جازيرا) تەلەارناسىنىڭ قىزمەتىنە تىيىم سالۋ سىندى تالاپتاردىڭ ءتىزىمى بەرىلدى.

اراب ەلدەرى كاتاردىڭ اتالعان ۋلتيماتۋمعا بەرگەن جاۋابىن جاريالاماي وتىر. دەگەنمەن، ولاردىڭ: "كاتارعا قارسى قولدانىلعان شارالار،  مەملەكەت وزىنىڭ باعىتىنان باس تارتىپ، تالاپتاردى قابىلدامايىنشا، ءوز كۇشىندە قالا بەرەدى" دەگەن مالىمدەمەسىنە قاراپ،  دوحادان كەلگەن "سالەمدەمەنىڭ" اسا جىلى بولماعانىن اڭعارۋ قيىن ەمەس.

“The Qazaq Times”