كاتاردا اۋعانستان تاقىرىنبىندا ەكى حالىقارالىق كونفەرەنتسيا وتەدى

وسى اپتادا كاتاردا اۋعانستان جاعدايىن تاقىرىپ ەتكەن ەكى بىردەي حالىقارالىق كونفەرەنتسيا وتەدى. جيىننىڭ باستى ماڭقساتى – اۋعانستان ۇكىمەتى مەن «تاليبان» ورتاسىنداعى بەيبىتشىلىك كەلىسسوزىن قالپىنا كەلتىرۋ جانە قاقتىعىس جاعدايى باقىلاۋدان شىعىپ كەتپەي تۇرىپ كەلىسىمگە كەلۋ جولدارىن قاراستىرۋ.

ەرتەڭ، ياعني10 ماۋسىم كۇنى كاتار ورتالىعى دوحا قالاسىندا اۋعانستانمەن كورشىلەس ەلدەردىڭ كەزدەسۋى وتەدى. اۋعانستانمەن كورشىلەس ەلدەردەن تىس بۇۇ، اقش جانە رەسەي وكىلدەرى قاتىستىرىلادى.

ال، ەرتەسى سارسەنبىدە «كەڭەيتىلگەن ۇشتىك» كونفەرەنتسياسى وتەدى. وندا اقش-تىڭ، قىتايدىڭ، رەسەيدىڭ جانە پاكىستاننىڭ اۋعانستان ءىسى جونىندەگى ارنايى وكىلدەرى باس قوسادى. اۋعانستان ماسەلەسى بويىنشا اتالعان «كەڭەيتىلگەن ۇشتىك» كونفەرەنتسياسى ماسكەۋ تارابىنان ۇمىسداستىرىلعان. نەگىزىگەن اۋعانستان ماسەلەسىن ساياسي جولمەن رەتتەۋ، قاقتىعىستى جان-جاقتى جانە ۇزاق مەرزىمگە توقتاتۋ جولدارىن قاراستىرادى.

پاكىستان ءسىم-ءى بەرگەن دەرەكتەرگە سىلتەمە جاساعان «امەريكا داۋىسى» سارسەنبىدەگى وتىرىستا الدىمەن تاراپتار كونسۋلتاتسياعا ورىن بەرەتىنىن حابارلاعان بولاتىن. ال، ودان كەيىن دوحاداعى اۋعان ۇكىمەتى مەن «تاليبان» وكىلدەرىنىڭ قاتىسۋىمەن كەڭەيتىلگەن وتىرىس وتكىزبەك. بىلايشا ايتقاندا ماسەلەنى الدىمەن رەسەي، قىتاي، اقش جانە پاكىستان وكىلدەرى ءوزارا تالقىلاسىپ، تاراپتاردىڭ مۇددەلەرى تۋرالى ورتاق تۇسىنىك تابىسادى. سودان كەيىن عانا اۋعانستاندىق قوس تاراپ قاتىسقان كەلىسسوز وتىرىسىن وتكىزەدى.

تاعى دا سول پاكىستان ءسىم مالىمدەمەسىنە قاراعاندا، بۇل ەكى كەزدەسۋدەن اۋعانستاندا قاقتىعىسىپ جاتقان ەكى تاراپ «ورتاق نۇكتەنى كورەتىن بولادى». ياعني، قوس تاراپ تا مۇددەلى ورتاق ماسەلەلەر بويىنشا پىكىر بىرلىگىنە كەلەدى دەپ كۇتۋگە بولادى ەكەن.

كونفەرەنتسياعا قاتىساتىن بارلىق تاراپتىڭ وكىلدەرى وسىعان دەيىن ءوز ەلدەرىنىڭ اۋعانستان ماسەلەسىن بەيبىت جولمەن، قارۋسىز تەك ساياسي جولدى تاڭداي وتىرىپ شەشۋ كەرەكتىگىن ايتىپ كەلگەن. اۋعانستاندى تاقىرىپ ەتىپ بۇعان دەيىن دە مىڭداعان وتىرىستار وتكەنى دە بەلگىلى. بىراق، دەرجاۆالار اراسىنداعى مۇددە قايشىلىعى تۇيىلىسكەن جەردە بەيتىشىلىكتىڭ وڭايلىقپەن قالپىنا كەلمەيتىنىن بۇعان دەيىنگى جاعدايلاردان كورىپ وتىرمىز.

“The Qazaq Times”