فوتو: massaget.kz

بۇگىن - قازاقستاندا استانا كۇنى مەرەكەسى. بۇل مەرەكە بۇرىن پرەزيدەنت نۇرسۇلتان نازارباەۆتىڭ 1998 جىلدىڭ 6 مامىرىنداعى جارلىعىمەن اقمولا قالاسىنىڭ اتاۋى استانا بولىپ وزگەرتىلۋىنە بايلانىستى 10 ماۋسىمدا اتالىپ وتەتىن.

ال  2008 جىلدان بەرى مەرەكە نۇرسۇلتان نازارباەۆتىڭ تۋعان كۇنىنە – شىلدەنىڭ 6-سىنا اۋىستىرىلىپ، قازاقستاندا مەملەكەتتىك مەرەكە بولىپ جاريالاندى. وسىلايشا «مەرەكەلەر تۋرالى» زاڭعا ەنگىزىلگەن تۇزەتۋلەردەن سوڭ 2009 جىلدان باستاپ شىلدەنىڭ 6-سى مەملەكەتتىك مەرەكە رەتىندە اتالىپ ءوتىپ كەلەدى.

ەندەشە بارشا قازاقستاندىقتاردى 19-شى رەت كەلىپ جەتكەن استانا كۇنى مەرەكەسىمەن قۇتتىقتايمىز. پرەزيدەنت ايتىپ كەتكەندەي  «قابىرعاسىمەن عانا ەمەس، ادامدارىمەن دە كورىكتى» استانا سەكىلدى جاس قالاسى بار ەلىمىزدىڭ بولاشاعى جارقىن بولسىن! كەرەگەسى كەڭ، ەكونوميكاسى تۇراقتى، ساياساتى سىر بۇكپەس، ەشكىمگە تاۋەلسىز ەل رەتىندە قالىپتاسا بەرەيىك!

“The Qazaq Times”