فوتو: Arnapress.kz

ەندى الماتى قالاسىنىڭ تۇرعىندارى مەترودا جولاقى جەتونىن قولما قول ساتىپ العان جاعدايدا 70 تەڭگە ارتىق تولەيدى، ياعني جولاقى 150 تەڭگەنى قۇرايدى. ال ەلەكتروندى كارتامەن تولەيتىندەر ءۇشىن جولاقى بۇرىنعىداي 80 تەڭگە بولىپ قالادى. بۇل تۋرالى قالا اكىمى باۋىرجان بايبەكتىڭ جارلىعى ەلەكتروندى ۇكىمەت پورتالىندا جاريالانعان، دەپ حابارلايدى tengrinews.kz. 

جارلىققا سايكەس، الماتى تەرريتورياسىندا كۇندەلىكتى  جولاۋشىلار تاسىمالى بويىنشا ديففەرەنتسيالدى تاريف ورناتىلادى. قولما-قول ەمەس تولەم جاسالعان جاعدايدا  جولاقى مەروپليتەندى قوسا العاندا 80 تەڭگە، ال جولاقى مەتروپوليتەن كاسسالارىندا قولما-قول تولەنگەن جاعدايدا 150 تەڭگە.

بۇل جارلىق زاڭ ورگاندارىنداعى مەملەكەتتىك تىركەۋگە كىرگەننەن كەيىن كۇشىنە ەنەدى جانە ول رەسمي تۇردە جاريالانعاننان كەيىن ون كۇن وتكەن سوڭ قولدانىسقا ەنگىزىلەدى.

جارلىقتا ايتىلعانداي، قوعامدىق ترانسپورتتارداعى جولاقى ءتاريفىن وزگەرتۋ قازاقستاننىڭ 2003 جىلدىڭ 4 شىلدەسىندە قابىلدانعان "اۆتوكولىك ترانسپورتتارى" تۋرالى زاڭىنىڭ 19 ءبولىمىنىڭ 2-1 پۋنكتىنە سايكەس جانە الماتى قالاسىنىڭ قوعامدىق كولىكتەرىندەگى كولەڭكەلى قارجى اينالىمىن جويۋ ءۇشىن، سونداي-اق مىندەتتى تولەمدەر جانە سالىق تۇرىندە تۇسەتىن قارجى كولەمىن ارتتىرۋ ماقساتىندا، جولاۋشىلاردى قولما قول ەمەس تولەم تاسىلىنە تارتۋ بويىنشا ەنگىزىلەدى.

 “The Qazaq Times”