مونعوليا ءولىم جازاسىنان باس تارتتى

مونعوليا ءولىم جازاسىنان باس تارتتى دەپ حابارلايدى ca-news.org اقپارات كوزى.

مونعوليا پارلامەنتىندە 2015 جىلدىڭ 3 جەلتوقسانىندا قابىلدانعان ءولىم جازاسى مەن ازاپتاۋدان باس تارتۋعا بايلانىستى زاڭ، شىلدەنىڭ 1-نەن باستاپ كۇشىنە ەندى. وسىلايشا بيىلدان باستاپ مونعوليا الەمدە ءولىم جازاسىنان باس تارتقان 105 مەملەكەت بولدى.

جالپى ورتالىق ازيا ەلدەرىندە ءولىم جازاسىنا تۇركىمەنستان 1995 جىلى، قىرعىزستان 1998 جىلى، تاجىكستان 2004 جىلى، وزبەكستان 2005 جىلى موراتوري جاريالاعان بولاتىن.

ال قازاقستان 2006 جىلى ءولىم جازاسىنا موراتوري جاريالاعانىمەن 2007 جىلى ەل كونستيتۋتسياسى ء"ولىم جازاسى تەك تەررورلىق قىلمىس جاساعاندار مەن سوعىس ۋاقىتىندا اۋىر قىلمىس جاساعاندار ءۇشىن عانا قولدانادى" دەپ وزگەرتىلگەن.

سوڭعى رەت قازاقستاندا ءولىم جازاسىنا 2016 جىلى الماتىدا تەررورلىق شابۋىل جاساعان رۋسلان كۇلەكباەۆ كەسىلگەن.

 “The Qazaq Times”