فوتو: economy.gov.kz

قر ۇلتتىق ەكونوميكا مينيسترلىگى "ەكونوميكالىق زەرتتەۋلەر ينستيتۋتى" اق بىرلەسە وتىرىپ، وڭىرلەردە كاسىپكەرلىك جۇرگىزۋگە جاسالعان مۇمكىندىكتەردى  باعالايتىن رەيتينگ جاساۋ ادىستەمەسىن قۇراستىردى.

الەمدىك تاجىريبەگە سۇيەنىپ جاسالعان رەيتينگ ەلىمىزدىڭ ءارتۇرلى ايماقتارىنداعى كاسىپكەرلەرگە جاسالعان جاعدايدى بيزنەسكە ارنالعان ينفراقۇرىلىم، رەتتەۋشىلىك كليمات پەن ادام كاپيتالى جانە جەكە ءىس جۇرگىزۋگە قاجەتتى قارجىعا قولجەتىمدىلىك كريتەريلەرى بويىنشا باعالايتىن بولادى.

جوبانىڭ باستى ماقساتى - قازاقستاننىڭ ءارتۇرلى ايماقتارى اراسىنداعى باسەكەلەستىكتى ارتتىرۋ ارقىلى ولاردىڭ ءوزارا تاجىريبە الماسۋىنا جول اشۋ. كاسىپكەرلىكتى قولداۋ مەن ولاردىڭ جولىنداعى كەدەرگىلەردى جويۋعا باعىتتالعان جوبانىڭ قورىتىندىسى بويىنشا، كاسىپ جۇرگىزۋگە ەڭ قولايلى دەپ تابىلعان ايماقتىڭ اكىمىنە ارنايى سىياقى تابىستالادى.

قر ۇلتتىق ەكونوميكا مينيسترلىگى وڭىرلەر رەيتينگىن اعىمداعى جىلدىڭ قاراشا ايىندا جاريالاۋدى جوسپارلاپ وتىر.

“The Qazaq Times”