قر دەنساۋلىق ساقتاۋ مينيسترلىگىنىڭ ۇيىمداستىرۋىمەن "جوعارى تەxنولوگيا كۇندەرى" رەسپۋبليكالىق اكتسياسى  اياقتالدى. قازاقستاننىڭ جەتەكشى دارىگەرلەرى  ەكى اي ىشىندە ايماقتاردا 350-گە جۋىق وتا جاساپ، 150 شەبەرلىك سىنىپتارىن وتكىزدى.

ءوز سالاسىن جەتىك مەڭگەرگەن مامانداردىڭ باستاماسىمەن  6700 مەديتسينا قىزمەتكەرلەرىنىڭ قاتىسۋىمەن وتكەن شارادا 120-عا جۋىق وقۋ سەمينارلارى ۇيىمداستىرىلىپ، ءپروفيلدى ماماندار ءۇشىن ءتۇرلى تاقىرىپتاعى دارىستەر وقىلدى.  ايماقتاردا وبلىستىق جانە قالالىق كوپ ءپروفيلدى اۋرۋxانالاردا ەم قابىلداپ جۇرگەن ناۋقاستارعا  كەڭەستەر بەرىلىپ،  5100-گە جۋىق  ۇسىنىستار ايتىلدى.

ونان بولەك، وڭىرلەردە دارىگەرلەر بريگاداسىنىڭ قاتىسۋىمەن تىزە ەندروپروتەزدەۋ جانە جامباس بۋىندارى، بالالاردىڭ تۋا ءبىتتى دامۋ اقاۋلارى، ەرەسەك ەمدەلۋشىلەردىڭ قاتەرلى ىسىكتەرىن الىپ تاستاۋ، قولقا جامباستىق جانە جامباس-تىزە استى ۇشتاستىرۋ، گاستروستوما دياگنوزدارى بويىنشا وتالار جاسالدى.

تانىمال مەديتسينا ماماندارىمەن تاجىريبە الماسقان وڭىرلىك دارىگەرلەر بىلىكتىلىگىن ارتتىرىپ، اۋرۋى اسقىنعان ناۋقاستارعا  رەسپۋبليكالىق مەديتسينالىق ورتالىقتارعا جاتۋ ءۇشىن جولداما بەرىلدى.

«The Qazaq Times»