ҚР Денсаулық сақтау министрлігінің ұйымдастыруымен "Жоғары теxнология күндері" республикалық акциясы  аяқталды. Қазақстанның жетекші дәрігерлері  екі ай ішінде аймақтарда 350-ге жуық ота жасап, 150 шеберлік сыныптарын өткізді.

Өз саласын жетік меңгерген мамандардың бастамасымен  6700 медицина қызметкерлерінің қатысуымен өткен шарада 120-ға жуық оқу семинарлары ұйымдастырылып, профильді мамандар үшін түрлі тақырыптағы дәрістер оқылды.  Аймақтарда облыстық және қалалық көп профильді ауруxаналарда ем қабылдап жүрген науқастарға  кеңестер беріліп,  5100-ге жуық  ұсыныстар айтылды.

Онан бөлек, өңірлерде дәрігерлер бригадасының қатысуымен тізе эндропротездеу және жамбас буындары, балалардың туа бітті даму ақаулары, ересек емделушілердің қатерлі ісіктерін алып тастау, қолқа жамбастық және жамбас-тізе асты ұштастыру, гастростома диагноздары бойынша оталар жасалды.

Танымал медицина мамандарымен тәжірибе алмасқан өңірлік дәрігерлер біліктілігін арттырып, ауруы асқынған науқастарға  республикалық медициналық орталықтарға жату үшін жолдама берілді.

«The Qazaq Times»