فوتو: mfa.greengo.kz

استانا كۇنىنە وراي «استانا ەكسپو-2017» ۇلتتىق كومپانياسى» مەرەكەلىك اكتسيالار ۇيىمداستىرادى جانە جاڭا بيلەت ءتۇرىن اينالىمعا قوسادى.

جاڭادان ەنگىزىلگەن «كەشكى بيلەتتەر» كورمەنى ساعات 18.30-دان كەيىن ارالاۋعا ارنالعان. بيلەت قۇنى جۇمىس كۇندەرى – 2 مىڭ، دەمالىس كۇندەرى  - 3 مىڭ تەڭگە. ارنايى جەڭىلدىككە يە ازاماتتار ءۇشىن بيلەت باعاسى 50 پايىزعا تومەن: جۇمىس كۇندەرى – 1 مىڭ، دەمالىس كۇندەرى – 1,5 مىڭ تەڭگە. ونان بولەك، «ەكسپو-2017» كورمەسىنە ارنالعان ابونەمەنتتەر ساتىلىمعا شىعارىلدى. ستاندارتتى باعاسى – 50 مىڭ تەڭگەنى قۇرايتىن ابونەمەنت كارتاسى، جەڭىلدىككە يە ازاماتتارعا 25 مىڭ تەڭگەگە بەرىلەدى.

مەرەكەگە وراي، استانا قالاسىنىڭ تۇرعىندارى مەن قوناقتارى 3 بيلەت ساتىپ العان جاعدايدا، قوسىمشا 1 بيلەتتى سىيعا الادى.

ونان بولەك، ۇلتتىق كومپانيانىڭ ءباسپاسوز قىزمەتىنىڭ حابارلاماسىندا: «دەمالىس كۇندەرى 17 جاسقا دەيىنگى بالالار مەن جاسوسپىرىمدەرگە كورمەگە كىرۋ تەگىن. 12 جاسقا دەيىنگى بالالاردىڭ جاسىن راستايتىن قۇجاتىنىڭ جانە جانىندا ءبىر ەرەسەك ادامنىڭ بولۋى شارت»،-دەلىنگەن.

“The Qazaq Times”