فوتو: اسپانداۋ-

تۋ، ءتىل، لوگوتيپ، بەينەلىكتەر، توپتىق تۇستەر، ەمبلەما ت. ب. ، مىنە وسى سياقتى ادامزات ومىرىندە ۇنەمى كەزدەسەتىن بەلگىلەردىڭ ادامدار كوڭىلىنە ۇيالاۋى تىم عاجاپ قۇبىلىس. شارتتى بەلگىلەر مەن سيمۆولدار ادامداردىڭ ويلاۋ قابىلەتىن، وسى ارقىلى ادامداردىڭ ومىرگە كوزقاراسىن، ءتىپتى قوعامعا بولعان پىكىرىن دە وزگەرتىپ جىبەرەدى. ويتكەنى، وندا ادامدار ءوزى بايقامايتىن قۇپيا بايلانىس بولادى دا، اركىمنىڭ ەركىنەن تىس ءمالىم كۇش ارقىلى وزىنە قاراي جەتەلەيدى. سىرتقى فورماسىنا قاراۋ ارقىلى ماعىناسىن بولجاۋعا بولاتىن قىتاي يەروگليفتەرى دە سول سياقتى. بۇل تۋرالى يسپانيانىڭ «حوش يس» باسىلىمىندا جازىلعان ەدى.

ءبىر قىزىعى، الەمدى جاۋلاعان ايگىلى لوگوتيپتەردى جاساعان جوبارگەرلەر دە العاشقىدا، وزدەرى تاپقىرلاعان وسى ءبىر كىشكەنتاي سۋرەتتىڭ كۇللى ادامزاتتىڭ سىرلاسىنا اينالارىن بىلمەگەن. اتاپ ايتار بولساق، بۇگىنگى تاڭدا Apple  ەمبلەماسىن بىلمەيتىن ادام جوق. سەبەبى، مۇنداي بەلگىلەر مەن ادامداردىڭ كوزى اراسىندا ءمالىم ۇعىم تۋدىراتىن بەلگىسىز ءبىر پروگرامما جۇمىس جاسايدى. ءتىپتى، ول ەمبلەما مەن سول زات اراسىنداعى بايلانىس تىم جاقىن بولماسا دا، ادامدار وزدەرىن وزدەرى سول زات ارقىلى قالاي «الداعانىن» سەزبەي قالادى.

ادەتتە، ازىق-تۇلىكتەر مەن سۋسىندىقتار دا وسىلاي. ادامدار شولدەگەندە ول سۋسىننىڭ تاڭدايعا ءدامى ەمەس، ەڭ الدىمەن كوز الدىنا لوگوتيپتى  ەلەستەتەدى.  ال، ءبىر شەتى تىستەلىپ ويىلعان «المانىڭ» ورنىندا باسقا ءبىر شارتتى بەلگى قويىلعان بولسا دا، ادامدار سول زاتقا كوزسىز تابىنۋىن قويا المايدى دەپ جازادى باسىلىم. ويتكەنى، ماركادا ادام كوزىنە شالىنعاننان كەيىن، كوكىرەكتە ول جونىندە ۇمتىلىس بولادى. ءتىپتى، ادامداردىڭ ءدىني سەنىمى سىندى اسا سەزىمتال تۇسىنىكتەرى دە وسى ءبىر شاعىن عانا ارىپتەر مەن سيمۆولداردان تۋىنداپ جاتادى ەكەن.

ال، "قازاقستاندا جاسالعان" دەگەن بەلگىسى بار توۆارلاردىڭ لوگوتيپتەر الەمدى قانشالىق شارلاي العانى وزىمىزگە ايان. ۇلتتىق بولمىس پەن ادامزاتقا ورتاق قۇندىلىق اراسىن سيپاتتايتىن لوگوتيپتەر ۇلتتىق ونىمدەرىمىزگە ومىرشەڭدىك سىيلايتىن ەدى. مۇناي "سيقىرلى" لوگوتيپتەر الەمگە ەلىمىزدىڭ شىرايىن ءتىلسىز تانىتار ەدى.

ادىلەت احمەتۇلى

“The Qazaq Times”