سۇرانىستىڭ قايتا قالپىنا كەلۋىنە بايلانىستى وسى جىلدىڭ قاڭتار-ءساۋىر ايىندا قازاقستاننىڭ سىرتقى ساۋدا اينالىمى 25,7%-عا ارتقان. بۇل تۋرالى ۇلتتىق ەكونوميكا ءمينيسترى تيمۋر سۇلەيمەنوۆ مالىمدەدى.
"سۇرانىستىڭ قايتا قالپىنا كەلۋىنە جانە كەلىسىم باعالارىنىڭ وسۋىنە بايلانىستى وسى جىلدىڭ ءتورت ايىندا مەملەكەتتىڭ سىرتقى ساۋدا اينالىمى 25,7%-عا ارتىپ، 23,1 ملرد دوللارعا دەيىن جەتتى. ونىڭ ىشىندە ەكسپورت كولەمى 34%-عا نەمەسە 14,9 ملرد دوللارعا دەيىن، يمپورت 13,1%-عا، 8,3 ملرد دوللارعا دەيىن ءوستى. سىرتقى ساۋدا اينالىمىنىڭ قالىپتى سالدوسى 6,6 ملرد دوللاردان اسىپ، 1,7 ەسەگە ءوستى", – دەدى مينيستر حالىقپەن ەسەپتىك كەزدەسۋى كەزىندە.
ونىڭ سوزىنشە، 2017 جىلدىڭ العاشقى ءتورت ايىندا قازاقستان مەن ەۋرازيالىق ەكونوميكالىق وداق ەلدەرى اراسىندا (ەاەو) ساۋدا اينالىمى 5,1 ملرد دوللاردى قۇراپ، وتكەن جىلدىڭ سايكەس كەزەڭىمەن سالىستىرعاندا 35,6%-عا ارتقان.
"رەسەيگە ەكسپورت 32,3%-عا ارتىپ، 1,4 ميللياردا دوللاردى قۇرادى، بەلورۋسقا 7,4 ەسەگە ءوسىپ، 0,2 ميلليون دوللاردى، قىرعىزستانعا 31,5%-عا ارتىپ، 130,1 ميلليون دوللاردى قۇرادى", – دەدى سۇلەيمەنوۆ.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى