فوتو: Westvoices.com

قر سىرتقى ىستەر ءمينيسترى قايرات ءابدىراحمانوۆتىڭ ايتۋىنشا، ءسۇريا ماسەلەسىن شەشۋ جولىندا قازاقستان ەشكىمنىڭ ىقپالىنا تۇسپەيدى. استانا پروتسەسىنىڭ ءوزى ەلىمىزدىڭ ورتاق ىسكە قوسقان ۇلكەن ۇلەسى بولىپ سانالادى. ال قاقتىعىس ايماقتارىنا اسكەر جىبەرۋ ماسەلەسى تەك بۇۇ دەڭگەيىندە عانا قارالۋى شارت.

ء"سۇريا داعدارىسى شەشۋ جولىندا قازاقستان دا، قىرعىزستان دا ەشكىمنىڭ ىقپالىنا تۇسپەيدى. ءيا، قازىرگى كەزدە اتالعان ەكى مەملەكەت بۇۇ-نىڭ بىتىمگەرلىك وپەراتسيالارىنا اتسالىسىپ كەلەدى. قازاقستان مەن قىرعىزستان ءوز بىتىمگەرلىك كۇشتەرىن 16 ميسسيانىڭ قۇرامىندا قىزمەت اتقارۋعا دايىنداپ جاتىر. اتالعان ميسسيالاردا 125 مىڭ وفيتسەر مەن سولدات بار. سودان بولار، سيرياداعى دەەسكالاتسيا ايماقتارىنىڭ قاۋىپسىزدىگىن قامتاماسىز ەتۋ ماسەلەسىنە كەلگەندە قازاقستان مەن قىرعىزستان جايىندا ايتىلا باستادى", - دەدى ءابدىراحمانوۆ ەۋرازيالىق مەديا فورۋمنىڭ بۇگىنگى سەسسياسىندا.

 “The Qazaq Times”