«سامۇرىق-قازىنا» اق ءبىر جىلدىڭ ىشىندە الەمدەگى تاۋەلسىز قورلار اراسىندا اكتيۆتەرىنىڭ قۇنى بويىنشا رەيتينگتىڭ بەس تارماعىنا كوتەرىلدى، دەپ حابارلايدى كومپانيانىڭ ءباسپاسوز قىزمەتى.
«سامۇرىق-قازىنا» الەمدىك دەڭگەيدەگى قورعا اينالۋعا ۇمتىلادى. Sovereign Wealth Fund Institute ەسەبى بويىنشا قۇنى 67,4 ملرد اقش دوللارىنا جەتەتىن اكتيۆتەردى يەلەنۋشى «سامۇرىق-قازىنا» اق الەمنىڭ 30 ءىرى تاۋەلسىز قورىنىڭ قاتارىندا.
«سامۇرىق-قازىنا» قورىنىڭ قىزمەتى سانتياگو پرينتسيپتەرىنىڭ كوبىنە ساي كەلەدى. اسىرەسە جاريالىقتى قامتاماسىز ەتۋ تۇرعىسىنان. سونىمەن قاتار، 2017 جىلدىڭ ءى توقسانىندا «سامۇرىق-قازىنا» تاۋەلسىز ءال-اۋقات قورلارىنىڭ ىشىندە Linaburg-Maduell Transparency Index جاريالىق رەيتينگىندە ەڭ جوعارعى 10 ۇپايدى يەلەندى. بۇل بەدەلدى رەيتينگ كورسەتكىشتەرىنە سۇيەنىپ، قارجىلىق ينستيتۋتتار مەن تاۋەلسىز قورلاردىڭ وزگە ستەيكحولدەرلەرى (مۇددەلى تۇلعالارى) وسى قورلاردىڭ نارىق ءۇشىن قانشالىقتى اشىق ءارى جاريالى ەكەنىنە كوز جەتكىزەدى»، - دەيدى «سامۇرىق-قازىنا» اق قۇقىقتىق سۇيەمەلدەۋ جانە تاۋەكەلدەر جونىندەگى باسقارۋشى ديرەكتورى عاني بيتەنوۆ.
ايتا كەتەيىك، سوڭعى كەزدە "سامۇرىق-قازىنا" اق-عا قاتىستى سىندار كوبەيگەن. ويتكەنى كۆازيمەملەكەتتىك سەكتور بولا تۇرا، سىرتقى قارىزداردىڭ ەڭ كوپ بولىگى وسى كومپانياعا جانە ونىڭ قولاستىنداعى حولدينگتەرگە تيەسىلى.
بۇدان بولەك، "سامۇرىق-قازىنا" قىتايدان 3 ملرد دوللار كولەمىندە قارىز الاتىنى تۋرالى حابارلانعان. كومپانيا باسشىسى ومىرزاق شوكەەۆ "قىتايدان قارىز الۋ دۇرىس شەشىم جانە ول ۇزاق مەرزىمگە بەرىلەدى جانە ولار قارىزدى ەشبىر كەپىلدىكسىز بەرۋگە دايىن" دەگەن ەدى.
سونداي-اق، رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى حاليدا قامباروۆا "سامۇرىق-قازىنا" قورىنىڭ قۇرامىنداعى ءۇش كومپانياعا بيۋدجەتتەن قاراجات بولىنگەنمەن، 400 مىڭ شارشى مەتردەن اسا تۇرعىن ءۇي پايدالانۋعا بەرىلمەگەنىن مالىمدەگەن.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى