فوتو: Tengrinews

قازاقستاننىڭ دەپوزيتتەرگە كەپىلدىك بەرۋ قورىنىڭ (قدكبق ) ديرەكتورلار كەڭەسى جەكە تۇلعالاردىڭ دەپوزيتتەرى بويىنشا ۇسىنىلاتىن ەڭ جوعارى دەڭگەيدەگى سىياقى مولشەرلەمەسىن بەكىتتى. سونىمەن شەتەل ۆاليۋتاسىنداعى دەپوزيتتەردىڭ مولشەرلەمەلەسىنىڭ دەڭگەيى 1,5%-عا دەيىن تومەندەتىلدى، دەپ حابارلادى قوردىڭ ءباسپاسوز قىزمەتى.

"جاڭادان تىركەلگەن جەكە تۇلعالاردىڭ تەڭگە باعامىنداعى دەپوزيتتەرى بويىنشا سىياقى مولشەرى بۇرىڭعى دەڭگەيدە، ياعني 14 پايىز كولەمىندە ساقتالادى. سونداي-اق، قدكبق ديرەكتورلار كەڭەسى 2017 جىلدىڭ 1شىلدەسىنەن باستاپ شەتەل ۆاليۋتاسىنداعى دەپوزيتتەردىڭ ۇسىنىلعان ەڭ جوعارى دەڭگەيدەگى مولشرلەمەسىن 1,5% دەيىن تومەندەتۋ تۋرالى شەشىم قابىلدادى", - دەلىنگەن حابارلامادا.

قوردىڭ مالىمەتىنشە، 2017 جىلدىڭ 1 قاڭتارىنان باستاپ قدكبق ۇسىنعان ەڭ جوعارى دەڭگەيدەگى مولشەرلەمەسى شارتتى ەمەس ناتيجەلى مولشەرلەمەلەرگە قاتىستى. قدكبق بانكتىك سالىمداردى، اعىمداعى شوتتاعى قالدىق اقشاعا جانە تولەم كارتالارىنا سىياقى مولشەرىنىڭ كولەمىنە قاراماستان كەپىلدىك بەرەتىندىگىن بانك سالىمشىلارىنىڭ نازارىن اۋدارتادى.

قازاقستاننىڭ دەپوزيتتەرگە كەپىلدىك بەرۋ قورى (كدكبق) – ەكىنشى دەڭگەيدەگى بانكتەر سالىمشىلارىنىڭ قۇقىقتارى مەن زاڭدى مۇددەلەرىن قورعاۋ ءۇشىن 1999 جىلى قۇرىلعان قازاقستان رەسپۋبليكاسىنىڭ ۇلتتىق بانكىنىڭ ۇيىمى.

قدكبق جەكە تۇلعالاردىڭ جانە جەكە كاسىپكەرلەردىڭ بارلىق دەپوزيت تۇرلەرىنە كەپىلدىك بولادى، كەپىلدىك بەرىلگەن وتەمنىڭ ەڭ جوعارعى سوماسى:

  • ۆاليۋتاداعى سالىمدارى جانە بانك شوتتارى بويىنشا – 10 ميلليون تەڭگەگە دەيىن;
  • شەتەل ۆاليۋتاسىنداعى سالىمدار جانە بانك شوتتارى بويىنشا – 5 ميلليون تەڭگەگە دەيىن.

ايتا كەتەيىك، وسى جىلدىڭ باسىندا قدكبق جەكە تۇلعالار دەپوزيتىنىڭ ءتيىمدى سىياقى مولشەرلەمەسىن 14% ەتىپ بەكىتكەننەن كەيىن  ەكىنشى دەڭگەيلى بانكتەر تەڭگەدە ساقتالاتىن دەپوزيتتەردىڭ سىياقى مولشەرلەمەسىن تومەندەتكەن. سەبەبى تەڭگە بۇل ۋاقىتتا نىعايا باستاعان ەدى. نارىقتا ورتا ەسەپپەن تەڭگە دەپوزيتىنىڭ مولشەرلەمەسى 2-2,9%-عا ءتۇستى.

“The Qazaq Times”