فوتو: The Wall Street Journal.

كوپجاقتى اۋىر ساياسي قىسىمداردان كەيىن Facebook Inc. (FB)  جاساندى ينتەللەكتىلەردى جۇمىلدىرعان نەعۇرلىم ءتيىمدى تەرروريزمگە قارسى الەۋمەتتىك جەلى ناۋقانىن جۇرگىزبەك. بۇل تۋرالى «The Wall Street Journal» باسىلىمى حابارلاپ وتىر.

Facebook Inc. الەۋمەتتىك مەديا كومپانياسى بەيسەنبى كۇنى جاريالاعان حابارلامادا، سوڭعى بىرنەشە ايدان بەرى جاساندى ينتەللەكتىلەردى پايدالانا وتىرىپ، پلاتفورمالارداعى جازبالار مەن ءتۇرلى ماتەريالدار ارقىلى لاڭكەستىكتى قولداۋشىلاردى انىقتاۋ ءىسىن جۇرگىزدى. وسىدان بۇرىن Facebook نەمەسە باسقا دا الەۋمەتتىك جەلى الىپتارى پايدالانۋشىلاردىڭ تۇلعاسىن تەكسەرۋدە، ولاردىڭ سويلەگەن سوزدەرى مەن ديالوگتارىن نەگىز ەتىپ كەلگەن.

Facebook جاريالاعان جاڭا باعدارلاما سكرينينگ مازمۇنىن انىقتاۋعا كوبىرەك قولايلىلىق اكەلەدى. بەيسەنبى كۇنى جاريالاعان مالىمەت بويىنشا،  جاڭا باعدارلاما ەنگىزىلگەننەن كەيىن بىرنەشە ايدا سكرينينگ مازمۇنىنا جاساعان تالاۋى بويىنشا تەرروريستىڭ سۋرەتىن تابا العان. ءارى بۇل جاساندى ينتەللەكت باعدارلاماسى وسى پايدالانۋشىنىڭ ماتىندەرى مەن سۋرەت، ۆيدەو جازبالارىنىڭ تارالۋىنىڭ الدىن الاتىن قابلەتكە يە ەكەنى ءمالىم بولدى. ءتىپتى، بۇل تۇلعانىڭ قايتالاي تىركەلۋىنە دە توسقاۋىل قويا الادى. الداعى ۋاقىتتا بۇل جاساندى زەردەنىڭ تىلدەردى پارىقتاۋ قابىلەتىن ارتتىرۋ ءۇشىن زەرتتەۋلەر مەن سىناقتار جاسالادى.

“The Qazaq Times”