پيوڭياڭداعى پارات. فوتو: The Wall Street Journal.

اقش پروكۋرورلارى ازاماتتىق تىلەك-ارىز جولداپ، قىتايلىق ءبىر كومپانياعا 1,9 ملن اقش دوللارى ايىپ سالۋ تۋرالى شاعىم ءتۇسىردى. سەبەبى، اقش پروكۋرورلارىنىڭ ايتۋىنشا، بۇل كومپانيا اقش جاساعان قارا تىزىمدىكتەگى  سولتۇستىك كورەياعا قاتىستى قارجىنى جاسىرىن جىلىستاتۋشى ەڭ باستى كومپانيا بولىپ سانالادى.  بۇل تۋرالى «The Wall Street Journal» باسىلىمى حابارلاپ وتىر.

پروكۋرورلاردىڭ شاعىمى بويىنشا، شىنياڭ قالاسىنا ورنالاسقان Mingzheng International Trading Ltd. بولسا سولتۇستىك كورەيانىڭ سىرتقى ساۋدا بانكىنىڭ  (Foreign Trade Bank) شەتەلدەگى ەڭ باستى قۇپيا فيليالدارىنىڭ ءبىرى بولىپ تابىلادى. اقش 2013 جىلى سولتۇستىك كورەيا سىرتقى ساۋدا بانكىن سانكتسيالاردىڭ قارا تىزىمدىگىنە ەنگىزگەن. پروكۋرورلاردىڭ شاعىمىندا كورسەتىلۋىنشە، بۇل قۇپيا فيليالدىڭ باسشىسى باس كومپانيامەن تىعىز بايلانىستاعى قىتاي ازاماتى بولىپ سانالادى. جۋرناليست رەتىندە دە كومپانيادان ناقتى ءمان-جايدى سۇراستىرىپ ءبىلۋ مۇمكىن ەمەس ەكەنىن دە ايتىپ وتىر.

اقش پروكۋرورلارىنىڭ دالەلىنە نەگىزدەلسەك، «Mingzheng» سولتۇستىك كورەيانىڭ جاسىرىن اقشا اۋدارۋشى قۇرالدارىن تولىق كورسەتىپ بەرە الادى. ولار كوررەسپوندەنت-بانكتىڭ شوتى ارقىلى قۇرعان بۇل كومپانيالار ارقىلى سانكتسيادان جالتارۋدى كوزدەگەن. سونداي-اق، بۇل كومپانيا 2015 جىلدىڭ قازان، قاراشا ايلارىندا 1,9 ملن دوللاردى قىتاي بانكى ارقىلى سولتۇستىك كورەياعا اۋدارعان. مىنە وسىعان بايلانىستى وسى زاڭسىز جىلىستاتىلعان قارجىنى تاركىلەۋ تۋرالى شاعىمدارىن جولداپ وتىر.

“The Qazaq Times”