سولتۇستىك كورەيا پورتىنا كىرەتىن قىتايلىق كەمە. فوتو: WSJ.

اقش رەسمي وكىلدەرىنىڭ مالىمدەمەسىندە، قىتايعا قاراستى 6 كەمەنىڭ سولتۇستىك كورەياعا جاسىرىن كومەك بەرىپ، بۇۇ-نىڭ سانكتسياسىن بۇزعانىن دالەلدەيتىن سپۋتنيكتەن تۇسىرگەن سۋرەتتەردىڭ بار ەكەنى ايتىلدى. بۇل تۋرالى «WSJ» باسىلىمى حابارلادى.

ترامپ باسقارماسى سولتۇستىك كورەيانى يادرولىق قارۋدى دامىتۋ ستراتەگياسىن جانە ۇزاق مەرزىمدى زىمىران باعدارلامالارىنان باس تارتۋعا شاقىرىپ كەلەدى. ول ءۇشىن بۇۇ بەكىتكەن سولتۇستىك كورەياعا قارسى سانكتسيانىڭ تولىق اتقارىلۋىن دا قاداعالاۋدا. سولتۇستىك شىعىس ازيا سۋلارىنان تۇسىرىلگەن سپۋتنيكتىك سۋرەتتەر ارقىلى، كحدر-عا باعىتتالعان سانكتسيانى بۇزعان قىتايلىق كەمەلەردىڭ بار ەكەنىن بايقاعان.

سولتۇستىك كورەيادان سانكتسيا تىزىمىندەگى ونىمدەردى تاسۋشى كەمەلەر. فوتو: WSJ.

امەريكالىق بارلاۋشىلاردىڭ جيناقتاعان مالىمەتتەرىنە قاراعاندا، اتالعان كەمەلەردىڭ اتتارى مەن ورىندارى تۋرالى تولىق مالىمەتتەر بار. ايتالىق، بۇل كەمەلەر سولتۇستىك كورەيانىڭ پورتىنا كىرە الادى، اقش شەنەۋنىكتەرىنىڭ قاراۋىنشا بۇلار رەسەي مەن ۆەتنامعا تىيىم سالىنعان زاتتاردى جەتكىزەدى نەمەسە بۇل زاتتاردى تەڭىزدە ايىرباستايدى.

اقش تارابىنىڭ قولىندا بار دالەلدەرى ايعاقتاعانداي، بۇل كەمەلەر سولتۇستىك كورەياعا قارسى بۇۇ سانكتسيا شارتتارىن بۇزاتىن كوپتەگەن ىستەردى اتقارادى. ايتالىق، بىرىككەن ۇلتتار ۇيىمى سولتۇستىك كورەياعا كومىر، تەمىر رۋداسى، قورعاسىن جانە تەڭىز ونىمدەرىن ەكسپورتتاۋعا تىيىم سالدى. بۇل تاۋارلار جىل سايىن سولتۇستىك كورەياعا شامامەن 1 ملرد اقش دوللار تابىس اكەلەدى.

قىتايلىق كەمەلەردىڭ تەڭىزدە جاسىرىن زات الماستىرۋى. فوتو: WSJ.

«The Wall Street Journal» باسىلىمى كورسەتكەن كەمەلەرگە قاتىستى مالىمەتتەردە، التى كەمەنىڭ قىتايدىڭ گونكونگ قالاسىندا تىركەلگەنى جانە اكتسيونەرلەر قىتاي ازاماتتارى ەكەنى كورسەتىلگەن. بۇل كەمەلەرگە الداعى ۋاقىتتا اقش قازىنا دەپارتامەنتى ارنايى سانكتسيا دايىنداۋعا كىرىستى.

“The Qazaq Times”