سولتۇستىك كورەيا وڭتۇستىك باۋىرلاس كورشىسىمەن ديالوگتى تۇبەگەيلى توقتاتاتىنىن مالىمدەدى. سەۋل كەشە سولتۇستىك كورەيانى شىعىس تەڭىز جاعالاۋىندا تاعى ەكى زىمىران سىناعىن جاساعانىن مالىمدەگەن بولاتىن. سولتۇستىك كورەيانىڭ اشۋلى مالىمدەمەسى سەۋلدىڭ اتالمىش مالىمەتىنەن كەيىن جاسالعان.  

وڭتۇستىك كورەيانىڭ تەلەارنالارى كەشە سولتۇستىك كورەيانىڭ زىمىران سىناعى تۋرالى حابارلاردى تاراتقان بولاتىن. بۇنىمەن قاتار پيوڭياڭ (پحەنيان) تارابى وڭتۇستىك كورەيا پرەزيدەنتى ءمۇن ءجايندى سىننىڭ استىنا الدى. سولتۇستىك كورەيانىڭ كەزەكتى زىمىران سىناعى اقش پەن وڭتۇستىك كورەيانىڭ بىرلەسكەن اسكەري جاتتىعۋىنا بەرگەن جاۋابى دەپ بولجانعان ەدى.

بۇدان بۇرىن وڭتۇستىك كورەيانىڭ پرەزيدەنتى 2045 جىلعا دەيىن ەكى كورەيانى بىرىكتىرۋ تۋرالى مالىمدەمە جاساعان ەدى. سوڭعى ءبىر جارىم جىل ىشىندە ەكى ەل اراسىندا ديالوگ قايتا جاندانىپ، تاراپتاردىڭ ليدەرلەرى بىرنەشە مارتە كەزدەسكەن جانە كەزدەسۋلەردى جىلى لەبىزدەرمەن وتكىزىپ ەدى. اقش، وڭتۇستىك كورەيا جانە سولتۇستىك كورەيا اراسىنداعى ديالوگتىڭ جاندانۋىنا بايلانىستى الەم جۇرتشىلىعى كورەي تۇبەگى ماسەلەسىنىڭ شەشىمى جاقىن قالدى دەپ كۇتكەن ەدى.

الايدا، سوڭعى وقيعالار بۇل ءۇمىتتى تاعى دا الىستاتىپ جىبەردى. سولتۇستىك كورەيا كەشەگى مالىمدەمەسىندە: "ەكى ەل اراسىندا سويلەسەتىن ءسوز قالعان جوق. سەۋلمەن قايتالاي ديالوگقا كەلە المايمىز", – دەدى.

“The Qazaq Times”