قۇراما شتات ۇكىمەتى سولتۇستىك كورەيانى ءتۇرلى قىسىمدارعا الۋدا. بۇگىن سولتۇستىك كورەيادان رەسەيگە جەتكىزىلەتىن ونىمدەردى تاسىمالدايتىن كەمەلەردى بۇعاتتاۋ تۋرالى شەشىمدى شىعاردى.  بۇل تۋرالى «WSJ» باسىلىمى حابارلادى.

بۇدان بولەك قازىنا دەپارتامەنتى ءبىر كۇن بۇرىن يادرولىق باعدارلامالارىن جۇزەگە اسىرۋعا جەتەكشىلىك ەتكەن ەكى رەسمي تۇلعاسىنىڭ اقش-قا كىرۋىن جانە اقش-تا بولۋى مۇمكىن بارلىق اكتيۆتەرىنە شەكتەۋ قويعان ەدى. وسى جىلداعى اۋقىمدى زىمىران سىناقتارى كەزىندە كيم جوڭ سيك پەن ري پيوڭچول كحدر باسشىسى كيم جوڭ ۋننىڭ جانىندا كورىنگەن.

وسى ءبىر جىلدا سولتۇستىك كورەيا قۋاتتى يادرولىق سىناقپەن قاتار اۋقىمى قۇرلىق اتتاپ، قۇراما شتات تەرريتورياسىن قامتىعان زىمىران سىناقتارىن وتكىزدى. ءارى قۇرلىقارالىق بالليستيكالىق زىمىران سىناقتارىندا كورنەكتى تابىستارعا جەتتى.

22 جەلتوقسان كۇنى بىرىككەن ۇلتتار ۇيىمىنىڭ باس اسسامبلەياسىندا سولتۇستىك كورەياعا باعىتتالعان جاڭا سانكتسيا ءبىر اۋىزدان ماقۇلدانعان بولاتىن. سولتۇستىك كورەيا جاق بۇنى «سوعىسقا شاقىرۋ» دابىلى دەپ باعالاعان ەدى. وندا سولتۇستىك كورەياعا كىرەتىن شيكى جانە وڭدەلگەن مۇناي ونىمدەرىنە شەكتەۋ قويعان.

“The Qazaq Times”