كوكتەمگى ەگىس ناۋقانى الماتى وبلىسىندا تولىعىمەن اياقتالدى. وبلىستىق اۋىل شارۋاشىلىعى باسقارماسىنىڭ مالىمەتىنە سۇيەنسەك، بيىلعى جىلى كوكتەمگى ەگىستىك القابىنىڭ كولەمى 610,2 مىڭ گەكتاردى قۇرادى. سۋارۋ جۇيەلەرىن قالپىنا كەلتىرۋ ەسەبىنەن بۇل كورسەتكىش وتكەن جىلمەن سالىستىرعاندا 19,1 مىڭ گەكتارعا ارتتى.
اتاپ ايتقاندا، 231,4 مىڭ گەكتارعا ءداندى داقىلدار، 164,6 مىڭ گەكتارعا مايلى داقىلدار ەگىلگەن. سونىمەن قاتار وبلىستىڭ باسىمدىق بەرەتىن قانت قىزىلشاسى مەن جۇگەرىگە بيىل دا ەرەكشە ءمان بەرىلدى. تۇقىم سەبۋدەن ءونىم جيناۋعا دەيىنگى شارۋالاردىڭ الدىنان شىعاتىن ماسەلەلەرىنىڭ بارلىعىنا مەملەكەت تاراپىنان قولداۋ كورسەتىلىپ كەلەدى. ساپالى تۇقىممەن قامتاماسىز ەتۋ، سۋبسيديا ءبولۋ، سەرۆيستىك-دايىنداۋ ورتالىقتارىن قۇرۋ ارقىلى قاجەتتى تەحنيكامەن قامتۋ، جينالعان ءونىمدى ءتيىمدى باعادا وتكىزۋ ءىسىنىڭ بارلىعى دا جولعا قويىلعان. سونىڭ ناتيجەسىندە بىلتىرعى جىلى وڭىردە 6, 4 مىڭ گەكتارعا قانت قىزىلشاسى سەبىلسە، بيىلعى جىلى ونىڭ كولەمى 9 مىڭ گەكتارعا جەتكىزىلىپ وتىر. ال داندىك جۇگەرىنىڭ القابى 2016 جىلى 71,1 مىڭ گەكتار بولسا، بيىلعى جىلى 78,6 مىڭ گەكتاردى قۇرادى. بۇدان بولەك كوكونىس، كارتوپ، كۇرىش تە سەبىلىپ بولدى. كوكتەمگى ەگىننىڭ جوسپارلانعان اۋقىمى تولىق ورىندالدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى