قازاقستاندىق رەجيسسەر باحتيار يسلاموۆتىڭ «ەديپ تۇراتىن جاقتا» قىسقامەتراجدى ءفيلمى اۆستريانىڭ لەنتسينگ قالاسىندا وتكەن 45-ءىنشى حالىقارالىق «Festival of Nations» كينوفەستيۆالىندە «ۇزدىك ەكسپەريمەنتتىك فيلم» نوميناتسياسىنا يە بولدى، دەپ حابارلايدى «قازاقپارات» اگەنتتىگى.
«ەديپ تۇراتىن جاقتا» - الماتى وبلىسىندا تۇسىرىلگەن قىسقامەتراجدى فيلم. رەجيسسەرى، ستسەناري اۆتورى جانە قويۋشى-وپەراتورى - باحتيار يسلاموۆ، پروديۋسەرى - داريا كورنەەۆا. لەنتسينگتە ءفيلمنىڭ تۇساۋكەسەرى ءوتتى. تورەشىلەردىڭ ايتۋىنشا، فيلم كادر ايقىندىلىعىمەن ەرەكشەلەنەدى.
بۇل سوڭعى بىرنەشە جىلدا فەستيۆالعا قازاقستان اتىنان ۇسىنىلعان ءبىرىنشى فيلم. «ۇزدىك ەكسپەريمەنتتىك فيلم» نوميناتسياسىن دا قازاقستان العاش رەت يەلەنىپ وتىر.
«Festival of Nations» - اۆسترياداعى ەرتەدەن كەلە جاتقان كوممەرتسيالىق ەمەس قىسقا مەتراجدى فيلمدەر فەستيۆالى، UNICA ۇيىمى (يۋنەسكو مۇشەسى) جانە اۆستريا ۇكىمەتىنىڭ قولداۋىمەن وتكىزىلەدى. فەستيۆالگە جىلىنا الەمنىڭ 55 مەملەكەتىنەن 1000-نان استام ءوتىنىش تۇسەدى.
سوزبۇيداعا سالىنعان جەتى تومدىق: قازاقتىڭ اكادەميالىق تاريحى قاشان جارىق كورەدى؟
قازاق قۇقىعىنىڭ انتولوگياسى: قازاق قۇقىعىن باعالاۋ تاريحى تۋرالى
يمانعالي تاسماعامبەتوۆتىڭ اقتالۋى: قازاق قوعامىنداعى پىكىرتالاستار
رامازان – رۋحاني تازالىق پەن مەيىرىم ايى
24 قازان – كىتاپحاناشىلار مەرەكەسى قۇتتى بولسىن!
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى