ەكى ەل مينيسترلەرى ساۋد ارابياسىن ايىپتادى. فوتو: Taipei Times.

گەرمانيادا ساپاردا جۇرگەن كاتاردىڭ سىرتقى ىستەر ءمينيسترى  مۇحاممەد 8 ماۋسىم كۇنى گەرمانيانىڭ سىرتقى ىستەر ءمينيسترى گابريەلگە  كەزدەستى. كاتار ءمينيسترى مۇحاممەد ساۋد ارابياسى باستاعان بىرقاتار اراب ەلدەرىن ايىپتادى. بۇل تۋرالى قىتايلىق «شينلاڭ» اقپارات اگەنتتىگىنىڭ رەسمي سايتى حابارلاپ وتىر.

كاتار سىرتقى ىستەر ءمينيسترى سوزىندە: «قازىرگى كەزدە ساۋد ارابيا مەن وعان جاقتاس ەلدەردىڭ جاساپ وتىرعان ارەكەتتەرىنىڭ حالىقارالىق زاڭ-ەرەجەلەرگە اۋىر دارەجەدە بۇزىپ وتىر. ءارى، كاتارعا «ادىلەتسىز داعدارىستى» ماقساتتى تۇردە ۇيىمداستىرىپ وتىر. ءبىر وسى ءىستىڭ ءوزى وڭىردەگى قايشىلىقتار جونىنەن وت ۇستىنە ماي قۇيعانمەن بىردەي»، – دەدى. ءتىپتى ول ساۋد ارابياسى باستاعان ەلدەردىڭ مۇنشالىقتى اۋىر داعدارىس ورناتاتىنداي كاتاردىڭ قانداي جازىعى بار ەكەنىن دە تۇسىنبەيتىنىن ايتىپ ءوتتى.

دەگەنمەن كاتارلىق اتالعان لاۋازىمدى قالىپتاسقان جاعدايدى بەيبىت كەلىسسوزدەر ارقىلى شەشىلۋىنەن ۇمىتكەر. گەرمانيا ءسىم باسشىسى رەسمي بەرلين تاراپىنىڭ ماسەلەنىڭ بۇدان ارى ۋشىعىپ كەتۋىن قالامايتىنىن جەتكىزدى. سونداي-اق، ماسەلەنىڭ بەيبىت جولمەن شەشىلۋىنە بارىنشا قولقابىس ەتەتىندىكتەرىن ايتتى.

“The Qazaq Times”