فوتو قر سىرتقى ىستەر مينيسترلىگىنىڭ فەيسبۋك پاراقشاسىنان الىندى

شانحاي ىنتىماقتاستىق ۇيىمى ەلدەرىنىڭ ەركىن ساۋدا ايماعىن قۇرۋى ەكونوميكالىق ىنتىماقتاستىق ءوسىمىنىڭ ارتۋىنا ىقپال ەتۋى مۇمكىن. بۇل تۋرالى بۇگىن قر پرەزيدەنتى نۇرسۇلتان نازارباەۆ شىۇ سامميتىندە مالىمدەدى. 

پرەزيدەنتتىڭ سوزىنشە، شىۇ ەلدەرىنە ىنتىماقتاستىقتى كەزەڭ كەزەڭىمەن دامىتۋ كەرەك. ول ءۇشىن ەلدەردىڭ ەكونوميكالىق ىنتىماقتاستىق جوبالارىنا قىزىعۋشىلىعى قارالۋ قاجەت

"شىۇ اياسىندا ەكونوميكالىق كووپەراتسيالاردى العا جىلجىتۋعا ەرەكشە نازار اۋدارۋ كەرەك دەپ ەسەپتەيمىز. بۇل ءۇشىن جاڭا مۇمكىندىكتەر قۇرىلادى، شىۇ ەلدەرى ۇكىمەتتەرىنىڭ اراسىندا حالىقارالىق اۆتوكولىك تاسىمالى ۇشىن قولايلى جاعداي جاساۋ كەلىسىمى كۇشىنە ەندى. ءبىزدىڭ ەلدەگى ترانزيتتىك كولىك الەۋەتىن قۇرۋ جولداردى دامىتۋ بويىنشا جاسالعان  باعدارلامالاردى دامىتۋعا ىقپال ەتەدى. سول سياقتى ءوزارا ساۋدا كولەمىنىڭ ءوسۋى شىۇ ارقىلى ەركىن ساۋدا ايماعىنىڭ قۇرىلۋىنا مۇمكىندىك بەرەدى", - دەدى ول.

قىتاي پرەزيدەنتى شي جيپيڭ (سي تسزينپين) ءوز كەزەگىندە ورتا جانە شاعىن بيزنەس بويىنشا ىنتىماقتاستىق مەحانيزمىن قولدايتىنىن اتاپ ءوتتى. ء"بىز ەكونوميكا بويىنشا "اقىلدى" ورتالىقتار مەن ەلەكتروندى ساۋدا جونىندەگى ىسكەرلىك قاۋىمداستىق قۇرۋدى ۇسىنامىز", - دەدى قىتاي پرەزيدەنتى.

ايتا كەتەيىك، استانادا شانحاي ىنتىماقتاستىق ۇيىمىنا مۇشە ەلدەردىڭ ءسامميتى بولىپ داتىر. سامميتكە  قازاقستان، قىتاي، رەسەي، تاجىكستان، وزبەكستان، قىرعىزستان، بەلورۋس، ءۇندىستان جانە پاكىستاننىڭ پرەزيدەنتتەرى قاتىسىپ جاتىر. ساميتتە ءۇندىستان مەن پاكىستان ۇيىمعا مۇشە بولۋى تۋرالى شەشىم قابىلداندى.

 “The Qazaq Times”