شىۇ 2017 ءسامميتىنىڭ شەڭبەرىندە وتكەن قازاقستان-قىتاي ىسكەرلىك كەڭەسىنىڭ IV وتىرىسىندا «بايتەرەك» حولدينگى مەن الماتى قالاسىنداعى «قىتاي ساۋدا-ونەركاسىپ بانكى» اق اراسىندا 300 ملن اقش دوللارى سوماسىنا ىنتىماقتاستىق تۋرالى كەلىسىمگە قول قويىلدى. بۇل تۋرالى حولدينگتىڭ ءباسپاسوز قىزمەتى حابارلادى.
كەلىسىم «بايتەرەك» حولدينگىنە وتاندىق كاسىپورىندارعا ونەركاسىپتىك دامۋ، اقپاراتتىق تەحنولوگيالار، شاعىن جانە ورتا بيزنەستى دامىتۋ، ەكسپورتتىق الەۋەتتى ارتتىرۋ، ترانسفەرت جانە يننوۆاتسيانى ەنگىزۋ سالالارىندا جانە قازاقستان رەسپۋبليكاسى ءۇشىن باسىمدى بولىپ تابىلاتىن باسقا سەكتورلاردا ينۆەستيتسيالىق جوبالاردى ىسكە اسىرۋعا قولجەتىمدى پايىزدىق مولشەرلەمەلەر بويىنشا قارجىلاندىرۋدى ۇسىنۋعا مۇمكىندىك بەرەدى.
«الماتى قالاسىنداعى قىتاي ساۋدا-ونەركاسىپ بانكى» اق قحر ءتورت ءىرى مەملەكەتتىك بانكىنىڭ ءبىرى بولىپ تابىلاتىن Industrial and Commercial Bank of China (ICBC) قۇرامىنا كىرەدى.
ايتا كەتەيىك، 2016 جىلدىڭ سوڭىندا «بايتەرەك» حولدينگىنىڭ جالپى قارىزى 2 247 ملرد تەڭگە بولعان. ال 2015 جىلعى قارىزى 2 008 ملرد دوللاردى قۇراعان ەدى. مەملەكەت تاراپىنان قارجىلاندىرۋ ەسەبىنەن جالپى قارىز كاپيتال مەن رەزەرۆتەردى قاتىناسى بويىنشا جوعارعى دەڭگەيدە (42%) قالدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى