اۋعانستان مۇددەسىن قورعايتىن كەلىسىم: ۇكىمەت پەن «تاليبان» دوحادا كەزدەستى

اۋعانستان ۇكىمەتى مەن «تاليبان» ۇيىمىنىڭ وكىلدەرى ەلدىڭ ورتاق مۇددەسىن قورعاۋ ماقساتىنداعى كەلىسىمگە كەلۋ ءۇشىن كاتاردىڭ ورتالىعى دوحادا كەزدەستى. تاراپتار ورتاق شەشىمدى تەزىرەك تابۋعا تىرىساتىنىن مالىمدەدى.

«ءال-جازيرا» اقپاراتتىق اگەنتتىگىنىڭ حابارىنا قاراعاندا، كەلىسسوز ەكى كۇنگە جالعاسقان. ەكىنشى كۇنىندە تاراپتار ورتاق پىكىر تابىسىپ، كەيبىر ماسەلەلەر جونىندە كەلىسىمدەرگە قول قويعان. حاباردا كەلىسىم تارماقتارى تۋرالى انىق ءارى تولىق مالىمەت جوق، دەگەنمەن اۋعانستان ۇكىمەتى مەن «تاليبان» بۇل جولى ادىلەتتى شەشىم جونىندەگى كەلىسسوزدەردى تەزدەتۋ بويىنشا ءتىل تابىسا العانى ءمالىم.

بۇعان قوسا، اۋعانستان مۇددەسىن قورعايتىن كەلىسىمنىڭ بولۋى تۋرالى كابۋلدىڭ رەسمي بيلىگى مەن تالىپتەردىڭ ويى ءبىر جەردەن شىققان. سونىڭ وزىندە قوس تاراپتىڭ تۇبەگەيلى بىتىمگەرشىلىك جاساسۋىنان ءۇمىت از. «تاليبان» قوزعالىسى بولسا كۇن سايىن ىقپال ەتۋ ايماعىن كەڭەيتىپ، ۇكىمەت كۇشتەرىنە قارسى شابۋىلىن توقتاتپادى. قۇربان ايت مەرەكەسىنە قاراماستان كابۋلدا ۇكىمەت كۇشتەرىنە قارسى شابۋىل تولاستامادى.

“The Qazaq Times”