ەردوعان كاتار داعدارىسىن جاقسارتۋعا جانىن سالا كىرىسۋدە

اراب تۇبەگىندە بولعان «كاتار داعدارىسىن» جاقسارتۋ ءۇشىن تۇركيا باسشىسى رەجەپ تايىپ ەردوعان بىلەك سىبانا كىرىستى. بۇل تۋرالى سول ەلدىڭ «تەلە-رەديو قىزمەتى» رەسمي سايتى حابارلاپ وتىر. كاتاردىڭ ديپلوماتيالىق داعدارىسىن وڭاۋ ءۇشىن تۇركيا پرەزيدەنتى كوپتەگەن مۇسىلمان ەلدەرى باسشىلارىمەن تەلەفون ارقىلى كەڭەسكەن.

تۇرىك باسشىسى رەجەپ تايىپ ەردوعان بۇل اتالعان ماسەلە توڭىرەگىندە فرانتسيا، يندونەزيا، باحرەين، يوردانيا، ليۆان، مالايزيا قاتارلى ەلدەردىڭ باسشىلارىمەن تەلەفون ارقىلى حابارلاسىپ، كەڭەسكەن. تۇركيا پرەزيدەنتى اتالعان ەل باسشىلارىنا ورىن العان ماسەلەنى كەلىسسوزدەر مەن ديپلوماتيالىق جولمەن شەشۋ تۋرالى ۇسىنىستار ايتقان. ءارى تۇركيا كاتار داعدارىسىن جاقسارتۋ ءۇشىن بارىن سالاتىنىن ايتقان. بۇل اقپاراتتى تۇرىك ەلىنىڭ پرەزيدەنت اپپاراتۋراسى ءمالىم ەتىپ وتىر.

كاتار داعدارىسىن شەشۋگە تۇركيا پرەزيدەنتىنىڭ قىزعىندىلىعى سونشا ول كاتار ءامىرى شەيح ءال-ساني، رەسەي فەدەراتسياسى پرەزيدەنتى ۆلاديمير پۋتين، كۋۆەيت ءامىرى شەيح ءال-ساباح جانە ساۋد ارابيا كورولى سەلمان بين ابدۋلازيز ءال-ساۋد قاتارلى باسشىلارعا دا حابارلاسىپ پىكىرلەسكەن. سوعان قاراعاندا پرەزيدەنت ەردوعان كاتار داعدارىسىنىڭ تۋىلۋى، ءوزىنىڭ باتىس پەن شىعىس الدىنداعى بەدەلىن جوعارىلاتاتىن ورايلى ءىس دەپ قاراسا كەرەك.

“The Qazaq Times”