قازاقستانداعى ءتۋريزمدى دامىتۋعا نە كەدەرگى؟

قر مادەنيەت جانە سپورت ءمينيسترى ارىستانبەك مۇحامەديۇلى قازاقستانداعى تۋريستىك قىزمەتتەردىڭ باعاسى نەلىكتەن قىمبات ەكەندىگىن تۇسىندىرگەن بولاتىن.

ءمينيستردىڭ ايتۋىنشا، 2020 جىلعا دەيىن ءتۋريزمدى دامىتۋ تۇجىرىمداماسى قازاقستاننىڭ تۋريستىك كومپانيالارى تارابىنان ۇسىنىستاردى ارتتىرىپ، ولاردىڭ قۇنىن تومەندەتەتىن بولادى.

«ارينە، بىزدەگى جوعارى باعا بارلىعىنىڭ دا رەنىشىن تۋدىرادى. ۇسىنىس كوپ بولاتىن بولسا قۇنى قۇلدىرايدى. كەڭ اۋقىمدى ارەكەتتەر ورىن العان كەزدە باعا تومەندەپ، ۇسىنىستار بارىنشا قولجەتىمدى بولا تۇسەدى»، - دەدى «ەكسپو-2017» مەديا ورتالىعىندا وتكەن ءباسپاسوز ءماسليحاتىنان كەيىن.

مينيستر الاكولدەن گورى تۇركيا نەمەسە بىرىككەن اراب امىرلىكتەرىنە بارعان ءبىرشاما ارزانعا تۇسەتىندىگىن مويىندادى.

سەيسەنبى كۇنى، 27 ماۋسىمدا، ساعات 10.00-دە ۇكىمەت ۇيىندە وسى ماسەلەگە بايلانىستى وتىرىس وتپەك.

كۇن تارتىبىندە – قر تۋريستىك سالاسىن دامىتۋدىڭ 2023 جىلعا دەيىنگى تۇجىرىمداماسى، سونداي-اق ترانزيت، لوگيستيكا جانە جول بويىنداعى سەرۆيستى دامىتۋ ماسەلەلەرىن شەشۋ، تالقىلاۋ جوسپارلانعان.

“The Qazaq Times”