فوتو: ناسا

HiRISE سپۋتنيگى قىزىل عالامشاردىڭ وڭتۇستىك جارتى شارىندا الىپ شۇڭقىردى انىقتادى. باق وكىلدەرىنىڭ حابارلاۋىنشا، عالىمدار وسى جىلدىڭ 25 ناۋرىزىندا تۇسىرىلگەن سۋرەتتى تولىق زەرتتەۋ بارىسىندا  وسى ۋاقىتقا دەيىن بەلگىسىز بولعان شۇڭقىر تابىلعان. 

بولجام بويىنشا، بۇل شۇڭقىر عالامشارعا تۇسكەن الىپ مەتەوريتتىڭ ورنى بولۋى مۇمكىن.

سونىمەن قاتار، قىزىل عالامشاردا وسى سەكىلدى تاعى زەرتتەلمەگەن كراتەرلەر بار.

قازاقستاندىق استروفيزيك گاۆريل تيحوۆ مارس پلانەتاسىنا جان-جاقتى زەرتتەۋلەر جۇرگىزدى. ول مارس بەتىندە قاراپايىم تىرشىلىك كوزدەرى بولۋى مۇمكىن دەگەن بولجام ايتتى. مارستا جاندى زاتتار تۇرادى دەگەن بولجامدار تەمپەراتۋرالىق جانە سپەكتروسكوپيالىق ناتيجەلەرمەن دالەلدەنگەن جوق. مارس اتموسفەراسىندا وتتەكتىڭ بەلگىسى بولماعاندىقتان، تىرشىلىكتىڭ جوعارعى فورماسىنىڭ بولۋى تۋرالى بولجام شىندىققا ساي كەلمەيدى. الايدا تىرشىلىكتىڭ تومەنگى فورماسىنىڭ، اسىرەسە اناەروبتىق فورمانىڭ تىرشىلىك ەتۋى مۇمكىن.

“The Qazaq Times”