ترامپ يزرايلگە بەرگەن ۋادەسىنەن دە اينىپ قالدى

اقش پرەزيدەنتى يزرايلگە جاساعان ساپارىنان كەيىن امەريكانىڭ تەل-اۆيۆتەگى وكىلەتتى ەلشىلىگىن يەرۋساليمگە كوشىرۋ ءىسىن ىسكە اسىراتىن بولعان. الايدا ءبىر كۇن بۇرىن جاساعان مالىمدەمەسىندە ەلشىلىكتى كوشىرۋ ءىسى كەيىنگە قالدىرىلعان. «تۇرىك تەلە-راديو» قىزمەتىنىڭ حابارلاۋىنشا سوڭعى كەزدە ترامپ بۇل ويىنان اينىپ قالعان. ول يزرايلدەگى ەلشىلىكتىڭ كوشىرىلۋىن سايلاۋ كەزىندە دە ۋادە ەتكەن، الايدا، كەشىكتىرىپ ورىنداۋ قۇجاتىنا قول قويعان.

تەل-اۆيۆتەگى اقش ەلشىلىگى وتە ءبىر كىلتەڭدى ءتۇيىن بولىپ سانالادى. ەگەر اقش ءوز ەلشىلىگىن يەرۋساليمگە كوشىرەر بولسا، وندا تالاستى قالا يەرۋساليمدى ءيزرايلدىڭ ورتالىق قالاسى دەپ مويىنداعان بولىپ ەسەپتەلەدى. بۇل بۇكىل الەم نازار سالىپ وتىرعان پالەستينا ازاتتىعىن قولداماعان بولىپ تابىلادى. سوندىقتان بۇل ماسەلە اقش-تىڭ سىرتقى ساياساتىنداعى اسا جىڭىشكەلىكپەن شەشىم قابىلداۋدى تالاپ ەتەتىن ماسەلە.

ترامپتىڭ شەشىمىنە رازىلىق بىلدىرگەنىمەن، يزرايل كوڭىلسىز كۇيدە قالدى. پالەستينا جاق بۇل شەشىمدى اقش-تىڭ بەيبىتشىلىك پەن سەنىمدىلىككە دەگەن ىنتاسى رەتىندە باعالاپ القادى. ال، يزرايل پرەمەر-ءمينيستىرى سوزىندە: «يزرايل تارابى ەلشىلىكتىڭ كوشىرىلمەيتىن بولعانىنا كوڭىل قۇلازۋلى. الايدا، پرەزيدەنت ترامپتىڭ ەلشىلىكتى كوشىرۋ تاۋەكەلى مەن ەلىمىزگە دەگەن دوستىعىنا ءدان ريزامىز»، – دەدى. سەبەبى، ترامپ مالىمدەمەسىندە: «بۇل ەلشىلىكتى مۇلدە كوشىرمەيمىز دەگەندىك ەمەس، تەك 6 ايعا كەشىكتىرىپ ورىندايمىز»، – دەگەن ەدى.

“The Qazaq Times”